فى المحكمة

الاغنية الذى انتظرها الجميع

الاغنية التى انتشرت فى كل الميكروباصات وخاصة المفتخرة منها والمزودة بكاسيت و
Equalizer

الاغنية التى تم تصويرها على طريقة الفيديو كليب

الاغنية التى تكلف تصويرها 4 مليون دولار بسبب زحمة المحاكم- موسم بقى وكل سنة وانتم طيبين

الاغنية التى فازت بجائزة الكلب الفضى فى مهرجان صفط اللبن

الاغنية التى انتزعت الآهات ونكدت ع الجميـع

الاغنية التى كانت سبب فى انطلاق سوبر ستار العرب (سيـد الشيـخ)

الاغنية التى ثار حولها الجدال بين محمد فؤاد وعمرو دياب ولطشها ابو السيـد

الاغنية التى دعمتها بكل جوارحى حتى وصلت الى العالمية

الاغنية التى جمعت بين كل الوان الغناء ...الشعبى
الدراما
الاكشن
الرومانسية
الموال
الفانتازيا وحرب الكواكب

اغنية العظة والموعظة ..اغنية الحساب والعقاب..

وختاماً
الجريمة لا تفيد

فى المحكمة

انها سليمة

كل سنة وانتو طيبين يا ماى لافلى انت وهو وهى

تاجـتاج

لو قالولك اختار عصر من عصور مصر علشان تعيش فيه ...تختار اى عصر و فى عهد اى حاكم ؟؟ اشمعنى العصر

ده؟؟
سؤال لظيظ ..انا بحب ناصر اوى بس هختار عصر السادات عشان كان نفسى اوى احارب

اول اولويه فى حياتك...عيلتك ...شغلك و لا اصحابك؟؟؟
عيلتى واصحابى ومش هختار حياتى لان هما حياتى..يا مثبتهم
:D

ايه اكتر حاجه بتحبها فى رمضان؟
القطايف :D

اوصف ليا اجمل فطار ممكن تفطره؟
فول بالزيت الحار وطعمية كبيرة وملعلطة

لو انت حاكم على مجموعه من الافراد هتكون عادل؟؟؟ طب هتعمل ايه علشان تتاكد انك حاكم عادل؟؟؟
ان شاء الله هكون عادل...دايما هحط نفسى مكان كل حد وانا بحكم عليه

اللى بيبوظ الحكام ...نفسهم و لا الشعب و لا الحاشيه المقربه؟؟؟
نفسهم والشلة المقربة

مين اكتر اعلامى مصرى بتحترمه؟؟؟
وائل الابراشى

قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه؟؟لو اه ايه رايك فيه؟؟ ما قرأتوش

لو ممكن تشتغل شغلانه تانيه غير اللى انت بتشتغلها او هتشتغلها كنت تتمنى تبقى ايه؟؟؟
بعشق شغل الصحافة والاعلام ..ونفسى اكون صحفى واعلامى ..ومونتير

تانى بلد تتمنى تعيش فيه بعد مصر ايه؟؟؟
مقدرش اعيش برة مصر

اوصف ليا ترتيبات اجمل فرح ممكن تحضره ؟
هنفرض انه فرحى...كتب كتاب فى جامع وقشطة

بتراعى كلام الناس و القيل و القال؟؟؟ لو اه او لو لا قلى ليه؟؟؟
لا خالص

صحيت ملقتش الموبايل و لا الكومبيوتر و لا الكاميرا الديجتال و لقيتنا رجعنا لعصر الحمام الزاجل و الحصنه هتكون سعيد؟؟؟
هى حصلت للحصنة..جولوا عنتر مات

السعاده هى.....؟
ان الواحد يكون علاقته بربنا كويسة..وبعد كده يهيص بقى

عندك امل؟؟؟ اسبابك؟؟؟
عندى امل ودلوقتى عبد الرحمن 4 شهور

لما بتحب تهرب من كل شىء بتروح فين؟؟؟؟

اوضتى

اوضتىامتى اول مره خدت فيها نفس طويل كده و قلت بينك و بين نفسك " ياااه اظاهر ان انا فعلا كبرت" ؟
عيد ميلادى

لما بتعمل عمل خيرى بيكون ايه هو دافعك الاول؟؟؟
ثواب اسعاد الناس

بتشرب سجائر؟؟؟ لو الاجابه اه ايه شعورك لو شفت ست بتشرب سجاير؟؟؟ ليه؟؟؟
الحمدلله عمرى لا شربت سجاير ولا شيشة ولا شميت كولّة

بتعرف ايدك اليمين من الشمال ازاى؟؟؟؟
اليمين ابطش بها والشمال اهرش بها

ايه اكتر آله موسيقيه بتحبها؟؟
بيانو

فى رايك ليه الذوق و النخوه انعدموا؟؟؟؟
ما انعدموش

ايه الحاجه اللى لو حصلتلك تبقى سعيد اوى؟؟؟

اشتغل الشغل اللى بحلم بى

تختار يبقى عندك...ارض زراعيه و لا اجنس عربيات و لا كام عماره و لا فلوس فى البنك؟؟؟؟
فلوس

البحر و لا النيل؟؟؟
البانيو

مركب ولا طيارة ؟
طيارة

مجنون و لا عاقل؟؟
بلاش الطاقية عندى حساسية

نمرر التاج لمين بقي
لكل الناس الحلوة ديا والناس اللى متضافين عندى ع اليمين

MultiGym Al Gawal

عيد سعيد وكل سنة وانتوا مفرفشين

رجال لا تعرف المستحيل

Ramadan Kareem

فى صلاة التراويح

يقرأ الإمام من سورة الانعام

بسم الله الرحمن الرحيم

فَلَمَّا رَأَى الْقَمَرَ بَازِغًا قَالَ هَـذَا رَبِّي فَلَمَّا أَفَلَ قَالَ لَئِن لَّمْ يَهْدِنِي رَبِّي

لأكُونَنَّ مِنَ الْقَوْمِ الضَّالِّينَ

رد الناس: آميــــــــــــــــــــــــــــن

عليه الصلاة والسلام

عجبنى اوى الموقف اللى حكاه النجم الكوميدى احمد بدير
عن مسلسل مصرى دينى كان بيتصور
والمشهد كالآتى
الكفار ادام المسلمين
يتكلم واحد من المسلمين : يقول رسول الله
يقوم واحد من الكومبارس بتوع الكفار يقول عليه الصلاة والسلام
المخرج يشد فى شعره يا ابنى اسكت انت من الكفار ما تنطقش خالص
يبدأوا تانى
يقول المسلم:علمنا رسول الله
يقوم نفس الواد اللى مع الكفار يقول : عليه الصلاة والسلام
يا ابنى انت ما بتفهمش انت تقف ساكت وما تنطقش تانى
اخر مرة بقى
جاءنا محمداً
فكالعادة قال الواد: عليه الصلاة والسلام
المخرج: غيّر هدومك يا ابنى واقف مع المسلمين

ياااااااااااه..اممكن؟

تقريباً من يوم 1 - 7 لغاية اول امبارح
كنت بخلص اوراق
اوراق
اورااااااااااااااااااااااااااااااااااق
اوراق تخرج
اوراق الجيش
وكلنا عارفين يعنى ايه نخلص ورقة واحدة فى بلدنا اللظيظة
الحمدلله تخرجت
الحمدلله اخدت تأجيل م الجيش وبكده يبقى فقدت الامة رجلاً من اشجع الرجال
رجلاً من اطول الرجال
وبعد غيبوبة امتدت شهرين تقريباً وانا بلف على الاوراق
لقيت واحد صحبى من يومين بيقوللى ها هتعمل ايه فى رمضان
قلتله رمضان مين فين ايه ازاى
قاللى رمضان فاضل عليه يومين
بجد مش حاسس بالزمن ولا بأى حاجة يومياً بخلص اوراق وبفضل ملطوع فى الشمس من الصبح لغاية 2 ولا 3 واجرى هنا وهنا
ع العموم كل سنة وانتم طيبين ورمضان فوق البركان واعذرونى ع الاختفاء

تو تااااااج

ميغسى بوكوه يا اسراء ع التاجين

62%How Addicted to Blogging Are You?

مين اكتر 6 اشخاص بتحبهم؟

بابا ماما وطنى علمى حرييييييية قومييييية جندى بلدى شجاااااع

بجد بجد

ابويا وامى واخواتى كده 4

والباقى اصحابى

ومش هقول على اساميهم لسببين

عشان هما كتير وما حدش يزعل

وعشان انا مخنوق منهم D:
هل انت سعيد؟
الحمدلله سعيد سعادة بشعة
لو اجتمعت مع حسنى مبارك فى مكان واحد هتقول له ايه؟
صريح فى الاجابة , انا مش جريء اوى فمشعارف هعرف اتكلم مع رئيس الجمهورية
وكمان مشعارف هقول له ايه لان اللى احنا فيه مش محتاج قوالة والكفيف يشوفه
لو معاك مليون ونص تعمل ايه؟
ان شاء الله هعمل مشاريع اكسب منها واشغّل شباب كتير والاهم انى اعاملهم كويس

واقدر مواهبهم وامكانيتهم وما بقاش زى الكلاب البلدى النهاردة
كل كلب بلدى معاه قرشين بيستعبد الناس
واحقق باقى احلامى ومشاريعى
بس ما حدش يقول لجيمى او حد من الحزب الوثنى لاحسن دول لو شموا خبر هيشاركونى من دلوقتى
بتحب مصر؟
شووووووووووووور
انت مسلم؟
الحمدلله مسلم
ليه؟
رخامة
هعتنق البهائية قريب هههههههه
مين اكتر شخصية ما تقدرش تستغنى عنها؟
ماما سامية
ايه اكتر موقف محرج؟
لما اروح الجامعة والاقى 700 بنت يتلموا حواليا ويقولولى هو انت مرتبط
ببقى نفسى اختفى من ادامهم لانى عارف انى لو قلت آه نسبة الانتحار فى الشرق الاوسط هتوصل ل97% مرحلة اولى
موقف محرج بجد..الواد فادى شد الكرسى فوقعت ع الارض وكان ده فى كافيتيريا وقورة مدعمة بديسكو
الامنية اللى تتمنى تحقيقها؟
ادخل الجنة بس اتمتع بمصر حرة مستقلة بجد ونعمل نهضة بقى
همرر التاج ل
بيبو
ضربة شمس
اميرة البلطجية
صحفية مع ايقاف التنفيذ
memo

زكية زكريا- المطرب

BATHROOM UNDER ATTACK

اعذرونى معلش خلصت امتحانات ونسفنا حمامنا القديم
الحمدلله فى هذا الجو الحر اللظيظ باقى لنا يوم ونبقى كملنا 21 يوم
WITHOUT WC OR WATER

وانت يا هذا قوللى لماذا اخدت اجازة

هيييييييييييييييييييييييييييييييييييييييييييييييييييييييه

خلصت امتحاناتتتتتت واخيراً زيست هو ده انتعاش زيست وهى دى رغوته اللى تنعشنى

وحشتونى اوىىىىىىىىىىىىى بصورة بشعة وعنيفة

ضربة شمس ومفروسة واسراء وابو المصاعيب والبلطجية وابو الشراقيو وصحفية وبنى آدم والاتنين مع ايقاف التنفيذ

وواحد من الناس شريكى فى مدونة كاراكشنجى وبعتبره زى اخويا الصغنن

وباركولى ع البوكس اللى فى يمين الصفحة بس ما يحدش يلعب فيه ويحفظ بعيداً عن ايدى الاطفال

ملحوظة لظيظة وعظيمة ومبجلة

اول بوست ليا كنت كاتب فيها المشاركة فى المدونة

shabfa2re@hotmail.com

عندكو موقف

او

فيديو.. عملتوه

او

اوديو.. فعلتوه

زى الكريز فى الجاتوه

انطلقوااااااااااااااااااااااااااااااااااا

تاجين تاجون تاجان

اول تاج من مفروسة فى المحروسة وهو عبارة عن 3 سكشنات ومحاضرة

SECTION 1 -

1. Last beverage?
fArAwlAAAAAAAAAAAAAA

2. last phone call?
muhammad galal men anateeeeeeeemi,mabrook ya walad esmak telle3 fe elblog

3. last instant message?

lo2ai fe 3eed meladi

4. last cd played?
cd wesalak............... el cd room bayezzzzzzzzzzzzzzz

5. last time you cried?

mesh faker besara7a

SECTION 2

6 Have You Evers:
1. dated someone twice? akeed so7abi :P
2. been cheated on? yuppppppppppppp

3. kissed someone & regretted it? yes......kanet re7to tabee7' w mest beysta3mel Rexona
4. lost someone special? group mesh wa7ed
5. been depressed? yaaaa
6. been drunk and threw up?marra ro7t asteri beril bta3 3'aseel elatba2 ..elwad adani BRIL elli beytshreb ...etkasaft ba3d ma fata7ha ..shrebt nossaha yaaaaaaaa3

SECTION 3

- List 3 Favorite Colors
ba7eb kol elalwan ta2reeban....bas ba7eb alwan mo3ayena fe ellebs w alwan fe el carz w alwan fe .....etc

SECTION 4
This month have you
1. Made a new friend? la3
2. Fallen out of love? ya sem D:
3. Laughed until you cried? la2
4. Met someone who changed your life? may b!
5. Found out who your true friends were? groupy 100%
6. Is there something you want to tell someone? nope
7. Would you kiss anyone on your top friends? Sure
8. How many people on your top friends do you know in real life? All
9. How many kids do you want to have? 3 or 4
10. Do you have any pets? a cat ...but i think it is a DOG!!
11. Do you wanna change your name? la2a
12. What did you do for your last birthday? Eating batee7' D:
13. What time did you wake up today? 10:30
14.What were you doing at midnight last night? 2a3ed bazaaaaaaaker ed3ooli
15. Name something you CANNOT wait for? Engaged D: $: ay wa7da t3abarni ya andal
16. Last time you saw your father? 15 min ago
17. What is one thing you wish you could change about your life? Lazy
18.What are you listening to right Now? Nothing
19. Have you ever talked to Tom? tom & bassal
21. Have you ever talked about someone behind their back? yooooooooh hassan abu da22a w 3'er abu da22a w 3'ero w 3'ero
22.What’s the last piece of clothing you borrowed from anyone? my bro. t-shirt
23. Who’s getting on your nerves right Now? mafeesh
24. Most visited webpage? www.amrkhaled.net
25. Coke or Pepsi? spatis D: or BOZA
26. Have you kissed or been kissed by anyone in the past week? sure..bo22o mla7wes
27. Mac or PC? PC

2nd TaaaaaG

من ضربة شمس

انت شبه مين من القادة ؟
بصراحة مش شايف نفسى شبه حد بس انا بحب صلاح الدين وعبد الناصر
انت شبه مين من friends ?
مش شبه حد كل واحد فينا له ستايله وتفكيره وشكله
ايه أكتر فيلم كلاسيكي بيعبر عنك ؟
a tale of two cities

هييييييييييييييييييييييييييييييييييييه خلاويييييييييييييييص

هتعمل ايييييييييه لو مكانه؟

!!الفقرى ..فقرى

النهاردة 28 ابريل
يعنى عقد قران جمال مبارك

ما لاقاش غير يوم عيد ميلادى
:(

خالى من الكوليسترول

تاجٌ جالى ...يا حبيبى وانا مالى

the lost princessعدد 2 تاج وصلحه من
هل كنت طالب شاطر فى المدرسة ؟
نُص نُص
ايه كانت احب مادة و اكره مادة ليك فى المدرسة والكليه ؟
حسب المدرس ...يعنى حبيت الفرنساوى اوى
وكنت بكره الاحياء اوى
وفى الجامعة عادى بقى كل المواد شبه بعضها
وتلاقى حاجة فى موجودة فى المحاسبة الاقيها فى الادارة والاقيها فى الاقتصاد....أى عك
كنت عايز تطلع ايه وأنت صغير ؟
كارتون - مسلسلات - اى برامج اطفال تلاقى العيال عاوزين يبقوا دكاترة
وبيومى يبقى دكتور وزعتر مهندس وحلمبوحة بكرة يبقى ظابط وماما تدعيلهم
واهلى والمجتمع كله...يقول لك ظابط ولا مهندس ولا دكتوووووور
خلاص يبقى انا نفسى ابقى دكتور او مهندس هييييييييييييييه
ادخل علمى علوم عشان اكون دكتور..بس مش بحب الاحياء
خلاص ادخل علمى رياضة عشان تبقى مهندس
وماله دخلنا علمى رياضة- ومجموعى ما جابش هندسة
وقعدت اعيط.. مشعارف على مجموعى ولا عشان ما حصلتش هندسة
فى الحالتين ما كنتش عارف انا عاوز ايه
ماشى وخلاص يحرق ده نظام عاوزين الناس كلها تفضل ماشية ولا عارفين اى حاجة
زى ما انا دلوقتى فى اخر سنة فى الكلية ومش فاهم حاجة لا انا ولا غيرى
والشغل حاجة والدراسة حاجة.....يبقى بجد حرام نسميه تعليـم
______________
هل تسعد عندما يمرر لك أحدهم تاجا؟
شووووووووووووووور..اهو الناس بتعرف الواحد اكتر وحاجة لظيظة
هل مقدار سعادتك أو شعورك أيا كان - عند تمرير التاج لك يختلف حسب المدون الذي يمرر لك التاج؟
مفيش حد هيمرر لحد تاج الا وهو بيحبه...أو على الاقل الانسان ده مقبول عند اللى مررله التاج...فده شيء يفرحنى شووووووور
هل تستمتع عند إجابتك عن أسئلة التاج؟
شوووووووووووور
هل ترى للتاج أهمية حقيقية ؟
شوووووور ..بيقربنا من بعض اكتر وكده يعنى
هل فكرت في عمل تاج خاص لك من قبل؟
وربنا يسهل ouiiiiiiiiiiiiiiiiiiii
هل تفضل قراءة أجوبة التاج عند المدونين الآخرين ؟ أم لا تهتم سوى بالتدوينات الأخرى فقط؟
بهتم طبعاً بقراءتها حتى اعرف تفكير الأخرين وحياتهم وشخصيتهم
عندما ترد على التاج ما الذي تراعيه أكثر؟
براعى ضميرى
إلى من تحرص على تمرير التاج؟
لحبايبى الامامير اللظاظ ..ماى لافلى
هل تحرص على قراءة اجابات من تمرر لهم التاج ؟ و هل تغير إجابتهم للتاج شيئا في ادراكك لهم ؟
ايوة بحرص ..لع عادى ...من اسلوب كتابتهم وتعليقاتهم أستطيع تحديد شخصيتهم العسولة اللظيظة الطيوبة
هل تلتزم حرفيا بأسئلة التاج ؟
التزم حرفياً والتزم لغوياً والتزم نحوياً والتزم تنوينياً ..اموت واعرف مين اللى كتب التاج ده
ما هي نوعية التاجات التي تفضلها ؟
افضل التاجات ذات الابعاد الثلاثية التى تحرص دائماً على ثبات الامة
وعدم الاكتراث للفتن الطائفية
صبرنى يارب واعرف مين اللى لطع التاج ده ..هجيبه
الحكمه الشهيره بتقول ايه؟
قول انت بقىىىىىىىىى
انى ادبس الناس فى التاج...المشكلة بحس ان التاجات احياناً تقيلة على هارتهم
بس لو مش عاوزين تجاوبوه ....از يو لايك
ضربة شمس
واحد من الناس
اميرة البلطجية
Memo

ابوس ايدك...ارحمنــــــــــــى

جرس الموبايل بيرن..بيقول ترررن ترررن
حوالى الساعة 2 الضهر
لقيت واحد بيقول الو وبيتكلم بورسعيدى اصيل وتقريباً كده 30 سنة
شدتنى اوى اللهجة
قلت لما اكلمه زى ما بيكلمنى
واليكم الحوار
فتحى موجود
لا فتحى نزل
طب هو معاه العدة
قلتله طبعاً وجايلك على طول
طب بالسلامة
سلام
هيييييييييييييييييييييه نياعاعاععا هاهااهاهاها هوهوهوهو هىهىىهىهىهىهى
اشتغلت واحد يا جدعان وقلت لاخويا ده راجل بورسيعدى كده وانا كلمته بلهجته زى ما سمعتنى والراجل صدقنى
يا سلام عليك يا فقرى يا ابو الفقاقير

اتصل تانى مرة
الو فتحى نزل من امتى؟
لا حضرتك الرقم غلط
ازاى ده انا لسه متصل من شوية ع النمرة دى
لا جايز انت غلطت ولا حاجة
لاموأخذة يا كابتن
لا مفيش حاجة

اتصل تالت مرة ..خلاص بقى مش طالباه
قلت لاخويا ده واحد خنيق رد عليه وقول له ان الرقم غلط
اخويا قال له الرقم غلط وقفل

اتصل رابع مرة
الو
ايوة
يا كابتن انا متأكد انى اتصلت بالرقم ده وواحد قاللى ان فتحى لسه نازل
وانا بقولك مفيش حد هنا اسمه فتحى
هكدب عليه ليه
طب ماشى ماشى تشكر

بعد حوالى ساعتين اتصل خامس مرة
كنت هعيط يا عم كفايا انت هتستلمنى اليوم كله
ايوة
فتحى موجود
قلتلك للمرة الالف مفيش حد هنا اسمه فتحى
طب الموبايل ده بتاع سنترال ولا ايه
لا يا سيدى ده بتاعى انا
طب حقك عليا
سلام

المهم حوالى الساعة 7 بالليل خرجت اقابل واحد صحبى وانا فى الميكروباص
الموبايل بيرن ومشعارف اطلعه طبعاً

وعلى كوبرى مترو كوبرى القبة تحديداً

اتصل للمرة السادسة واول ما رديت قلت
والله العظيم الرقم غلططططططططططططططططط
انا متأسف يا كابتن
بس قول لفتحى انى هجيبه برضه
دى كانت اول مرة احاول اشتغل حد وآخر مرة
:(

عودة زمن الاشرار

معلش انى اتأخرت فى البوست الجديد اللى مش حلو اوى
واستنوا مدونتى الجديدة كاراكشنجى
___________________________________

كان يوم خميس
حوالى الساعة 10 ونص مساءً
فى رمسيس
والاوتوبيسات يوم الخميس بتخلّص بدرى
والناس واقفة ع المحطة زى اللى واقفين فى الصحراء
مفيش أى اوتوبيسات ولا جمال حتى
والناس واقفة هلكانة عاوزة ترجع تنام تعبانين م الشغل
بلوا الشفااااااااايف
واخيراً بصوا بصوا شايفين اللى جاى هناك ده
اوتوبيس جاىىىىىىى ياااااااااه كله يرمى نفسه ادامه
وركبنا الاوتوبيس اخيراً
ومع اول محطة وقف فيها الاوتوبيس
فجأة قفل الكمسرى الباب وقال للسواق
اطلع بســـــــــــــــــــــــــــــــــــــــــــــــــــــــــــــــــــــــرعة
والناس عمالة تجرى ورا الاوتوبيس وتقول يا كمسرى افتح البااااااااااب
............افتحوا الباب يا ولالالالالالاد ال
وحسيت انى مخطوف وهيضحكوا ضحكة اشرار نياعاعاعاااعاعاعاعااعاعاعا
لكنى ظلمت الكمسرى
وعرفت السبب العجيب والغريب اللى يخليه يقفل الباب بعد ما السواق وقف فى المحطة
!!وهو ان التذاكر خلصت

انازار تاااااااج

اسم مدونتك؟
شاب فقرى
لماذا اخترته.. ماذا تقصد به؟
فقرى جايا من الضحك لما حد بيقول نكتة حلوة او موقف حلو بيقولوا انت فقرى فإختارته

هل فكرت في إغلاق المدونة.. والسبب؟
طبعاً لأ .دى ليها هدف وهدف جميل انا بحبه اوى وهواسعاد الآخرين

صورتك فى المدونة ..رمزيتها ؟
دى صورة نوفل واسمه الحقيقى فاسوخة عبد الحميد
وربنا يرحمه ويسعده كما اسعدنا واضحكنا
والصورة دى هتتغير كل فترة لصور فقرية برده

طبيعة كتابتك فى المدونة بشكل عام ..سياسة ..قصة ..عبث ..كلام فاضى ؟
كلام له هدف

لماذا تدون أصلا ؟
هدفى من المدونة دى انى اسعد الآخرين زى ما قلت
لكن فى مدونة تانية هدفها انى اكتب بحرية وافضفض واحاول افيد واستفيد

أحلى جملة قيلت لك فى وصف مدونتك ؟
هو فى تعليقات على المواضيع فرحتنى اوى
مصعب قاللى ما تبطلش تكتب وده شجعنى وفرحنى
فى بنت قالت انا كنت داخلة مكشرة بس مدونتك اسعدتنى
واحد قاللى انت فين من زمان اللى زيك قليلين اوى وكان محتاج البسمة دى

التعليقات بالنسبة لك ..أهميتها ؟
مهمة طبعاً عشان اعرف رد الفعل والناس عجبها الموضوع ولا نص نص
أحلى بوست كتبته ..ضع اللينك ..ثم اذكر لماذا ؟
مسلسل الفرسان
بس اوعوا تفتكروا انه مشهد م المونتاج لا والله ده مشهد صحيح 100% فى المسلسل
وهو احلى بوست عشان بتظهر الابداع المصرى!
أفضل مدونة قرأتها ..يمكن اختيار عدة مدونات ؟
مش هجامل وهقول كله بفضله
بس انا بحب المدونات دى اوى اوى
وبحب تفكير اصحابها وشخصياتهم ودى بيظهر من خلال تعليقاتهم وكتاباتهم
http://infinite-grief.blogspot.com/
http://darbetshamsy.blogspot.com/
http://theprincess28.blogspot.com/
http://mos3abof.blogspot.com/
http://mahamemo.blogspot.com/
http://amirahass.blogspot.com/
http://amirtelbaltgaya.blogspot.com/
وفى مدونات تانية بس متوقفة حالياً ومقفولة:(
أفضل بوست قرأته ..يمكن اختيار اكتر من لينك ؟
ده اخر حاجة قرأتها وعاجبنى
يا أهل القاهرة والله مساكين
هل خسرت صديق بسبب كتابة هنا؟
لع
حد قل ادبه فى التعليق ..ايه رد فعلك ؟.
واحد لظيظ كتب موقف قليل الادب فمسحت تعليقه والمشكلة انى عارف هو مين
بس هو جبان وما كتبش التعليق بإسمه
أسوأ مدونة ..الاجابة اجبارية ..يمكن اختيار عدة مدونات ..هما كتير اصلا؟
ما ينفعش اجاوب اجبارى بقى انا اعمل مدونة طويلة عريضة عشان اسعد الناس
وآجى فى رد ازعل حد منى
يا شريريييييييييييييييين
أسوأ بوست ؟
بوست واحد صحبى فى خده
أسوأ مدون ..مهو هتجاوب هتجاوب ؟
مش هقول واحد بعينه
لكنى بكره المدونين اللى بيتعامله مع حرية المدونات بكتابة الفاظ خارجة
وبكره المدونين المغرورين

همرر التاج ده للناس اللى قلت على مدوناتهم انها المفضلة ليا
بس اللى مش عاوز يجاوب براحته بردييييييك

كبير الرحيمية ..احمد عبد الرحيم

بعيد عنكم وعن السامعين كنت فى سنة اولى وتانية مغترب فى جامعة فى الصعيد
وكنت قاعد فى سكن خارجى مع طلبة طبعا
واحد من المعادى
واتنين صعايدة من قنا
وواحد من المنيا وواحد م المنصورة
شادى=المعادى....محمد اوتو=المنيا..احمد عبد الرحيم=المنصورة
محمد عبده=قنا
واحد من بتوع قنا كان اكبر مننا بسنة ونظام الاخ الكبير اللى بينصحنا وكده فكنا بنتخنق منه
ونقعد احنا الباقى نقضيها
نروح الجامعة مع بعض ونسهر نذاكر وكالعادة بعد ما نخلص مذاكرة
نقضيها كوتشينة ودور كِنت
baby face والواد بتاع قنا كان ابيضانى وشعره بنى وعنيه خضرا و
احمد عبد الرحيم: تعرفوا يا جماعة انا شوفت بنت شبه محمد عبده
محمد عبده: احترم نفسك ياض انت تقصد انى عامل زى البنات
احمد عبد الرحيم: لا بس البنت عنيها ووشها شبهك بالظبط وبكرة اتعرف عليها وهخليكو تشوفوها
عشان تتأكدوا انها شبه محمد عبده
احمد عبد الرحيم ده كان بؤ وغلبان وطيب اوى لدرجة العبط احياناً وياما اتبهدل يا عينى فى البلد دى
وفى يوم واحنا نازلين الجامعة الصبح وانا عارف ان كلامه انه هيروح يكلم البنت كله كلام ومنظرة
قاللى بقولك ايه انا هكلم البنت وهتعرف عليها بس لازم اقول لها اى حاجة كده تضحكها وبعدين اقرب واتعرف عليها
انا قلتله اللى عندى بس كنت متأكد انه ولا هيكلمها ولا أى حاجة وانه بؤ
المهم عدى اليوم ورجع احمد عبد الرحيم ومعاه محمد اوتو هما قريبين من بعض كمان لانهم قاعدين فى الاوضة مع بعض
ومحمد اوتو عمال يضحك على أحمد واللى عمله مع البنت
قلتله ايه يا ابنى الساعة 9 كنتوا فين كل ده
قاللى فضلنا قاعدين فى الكلية لغاية ما قفلوها والبنت واصحابها بيروحوا مشى وبيعدوا الكوبرى الطويل
وفضلنا ماشيين وراهم على الكوبرى
وفى الفترة دى كان البوم تامر وشيرين مكسر الدنيا هناك
مشغلينه فى البيوت والقهاوى والميكروباصات والتاكسيات والمحلات وكل مكان مفيش غير تامر وشيرين
المهم احمد فضل ماشى ورا البنت على الكوبرى
وقاللى انا قلتلها اللى انت قلتهولى..قلتله يا ابنى انت بتهرج! قلتلها ايه
قاللى وانا ماشى وراها ع الكوبرى قلتلها مش هتعبرينى بقى عشان نبقى زى تامر وشيرين
وبعدين ولا عبرتنى
وبعدين قلتلها لو ما كلمتنيش انا هعمل هعمليه استشهادية وهفجرك معايا
قاللى لقيتها ضحكت شوية فقلت لما اديها التالتة بقى
زقلطنى الحب زقلوط نمت فى بنها صحيت فى اسيوط
قاللى لقيت الكوبرى بيتهز من ضحكها هى واصحابها
ووقفت وقالتلى طب انت عاوز ايه منى بقى
قلتلها انا عاوز اتعرف عليكى
قالتله واشمعنى انا
قال لها عشان انتى شبه واحد صحبى

hApPy VaLeNtInE

BOY : I can't leave you ...
GIRL: Do you love me so much??
BOY : It's not that. You're standing on my foot.

BOY : May I hold your hand??
GIRL: No thanks, it isn't heavy.

GIRL: Did you miss me while I was away??
BOY : Were you away??

GIRL: Who was that girl I saw you kissing last night?
BOY : What time was it??

GIRL: Say you love me! Say you love me!
BOY : You love me ...

GIRL: If we become engaged will you give me a ring??
BOY : Sure, what's your phone number??

GIRL: I think the poorest people are the happiest ...
BOY : Then marry me and we'll be the happiest couple.

GIRL: Do you remember when you proposed to me? I was so
overwhelmed, I couldn't speak for an hour ...
BOY: Yes Darli! ng, that was the happiest hour of my life .................

GIRL: Darling, I want to dance like this forever ...
BOY : Don't you ever want to improve??

BOY : I love you and I could die for you!
GIRL: How soon??

GIRL1: Have you ever had a hot passionate, burning kiss??
GIRL2: I did once. He'd forgotten to take the cigarette out of his mouth

BOY : I'm a photographer. I've been looking for a face like yours!
GIRL: I'm a plastic surgeon. I've been looking for a face like yours!!!

BOY : Hi! Didn't we go on a date once? Or was it twice?
GIRL: Must've been once. I never make the same mistake twice!!!

BOY : May I have the pleasure of this dance?
GIRL: No, I'd like to have some pleasure too!!!

BOY : Will you come out with me this Saturday?
GIRL: Sorry! I'm having a headache this weekend!!!

BOY : Go on, don't be shy. Ask me out!
GIRL: Okay, get out!!!

BOY : Shall we go and see a film?
GIRL: I've already seen it!!!

BOY : Do you think it was fate which brought us together?
GIRL: Nah, it was plain bad luck

جالى تاج ولا عزاء لأبناء سمالوط

كل ما ادخل مدونة
الاقى مجموعة اسئلة ومسمينها تاج
وما فكرتش اسأل هو ايه
قلت اكيد هعرفه وكل الناس عرفته تبقى حاجة سهلة
وقات كده كده مش هيجيلى التاج ده فمش مهم اوى
وفجأة
اسراء قالتلى انا مررتلك تاج
وانا الوحيد اللى اسمى مش بيوصل لمدونتى
D:
طول عمرى حظى فقر
نزلت عليا الكلمة كالصاعقة
مررتهولى فين وازاى وامتى
ادخل ايميل ادور ع التاج
setting دخلت
دورت فى كل مكان لدرجة انى دورت تحت السرير
قال ايه وفى الآخر يا جدعان طلع التاج ده فى مدونتها
مجموعة اسئلة اخدها كوبى وارزعها هنا واجاوب عليها
نبدأ بقى

التاج الاول : خمس حاجات محدش يعرفها

1
انى هاديء هدوء قاتل وخجول زياد عن اللزوم بس بحاول اغير من نفسى
2

كان نفسى ابقى لاعيب كورة

لانى بلعب كورة كويس جدا جدا جدا

بس طبعا الدراسة المعاقة عندنا ما بتخليش الواحد يعمل اى حاجة

ولا حتى التفكير

وللأسف الكورة افيد بكتير من الدراسة

لان التعليم فى بلدنا بتكسف اسميه تعليم
3-

انى انا اللى عملت المنتدى ده

ولسه فاتحه من قريب ونفسى نتجمع فيه

www.blogs4arab.com
4-

انا بحب الناس حب كبير جداً

وبحب اشوفهم سعداء ومبسوطين جدا جدا جدا دى حاجة بتمتعنى
5-
بكيت من ايميلى جالى من كام يوم
اللى هيحصل لايميلك بعد ما تموت؟
D: هيتحلل

عادى هيتقفل بس ممكن آدى الباسوورد لأخويا عشان يبقى يقول للناس انى توفيت

عشان اطول اى دعوة
اديت الباسوورد لحد قبل كده؟
ايوة
لو اه كانت طبيعة علاقتك بيه اية؟
اخويا
إسمك؟
محمود
اسم الدلع المشهور وسط اصحابك؟
انا بفضل نسميها اسم الشهرة لان الدلع مش بالإسم
والإسم هو مودى وناس كتير مش بتندهلى غير بى
عمرك؟
22 سنة
البرج؟
الثور
مجال دراستك؟
بعيد عن السامعين كلية تجارة ع شمس
شخصيتك نوعها ايه؟
Adidas
عادى يعنى طيب وهاديء وخجول بعد اسعد واساعد الناس
السفر بالنسبة لك؟
بكرهه
المود بتاعك؟
الحمدلله بس مش اد كده عشان بدور على شغل
وقت فراغك بتعمل فى ايه؟
والله حالياً انا عايش وقت فراغ كبير فبدور على شغل
الاكلة المفضلة؟
مكرونة سباجتى..حمام ..محشى..مكرونة بشاميل
الصفات اللى خدتها من بابا وماما بالمرة؟
ال2 ما اخدتش منهم حاجة بصراحة
بس نفسى اكون ايجابى وشجاع زى بابا
وصبور ومتحمل زى ماما
اكثر 6 حاجات بتركهها؟
الكذب-المصلحجية-الغرور-النفاق-الخيانة-الظلم
اكثر 6 حاجات بتحبها؟
انا هعتبر 6 حاجات دى صفات
فبحب
الطيبة-التواضع-الشجاعة-الايجابية-الصدق-المساعدة لله فى لله
الشغل بالنسبة لك؟
لما كنت بشتغل كان الشغل حياتى وكنت مستمتع جداً
الانترنت والكمبيوتر بالنسبة لك؟
ما اقدرش استغنى عنهم
بمرر التاج للناس دى
emz
marawita
تهامى
ضربة شمس

complete اوتوبيس مش

كان يوم خميس
كنت بشتغل فى جورنالين
وكان لازم اسلم الشغل فى اليوم ده
والمكانين بعاد عن بعض موت
ركبت مينى باص ونزلت رمسيس
نزلت رمسيس وركبت الاوتوبيس تانى طبعاً عشان اروح ميدان لبنان
وبعدين انا قاعد فى الكراسى الاخرانية قريب من الكنبة
وطلعت ست صوتها عالى جداً وبتقول حد يسندنى حد يطلعنى ويكفيكو شر المرض
كنت هقوم اساعدها قام شاب تانى ساعدها وسندها وطلعها
وبعد ما طلعت قالت لشاب قاعد ع الكنبة
يكفيك شر المرض يا ابنى رجلى مش قادرة اقف عليها قوم لى اقعد مكانك
فقام الشاب وقعدت الست
وقالت للشاب لو تكمل جميلك بقى ويكفيك شر المرض ...ادفعلى تمن التذكرة
وبعدين انطلق الاوتوبيس
رحت المكان الاول فى المهندسين وطلعت وقدمت الشغل
وبعدين نزلت ركبت الاوتوبيس بسرعة واتجهت للجورنال التانى فى مدينة نصر
تخيلوا المسافة بين المهندسين ومدينة نصر
ويوم خميس
والدنيا زحمة موووووووت والاشارات اللظيظة اللى مش بتعدى اللى كل ساعتين موتوسيكل
المهم الطريق واقف جدا لغاية ما قررت انى انزل الزاوية واركب واروح بيتنا
لان خلاص الوقت بقى متأخر جداً وكان يوم جميل قضيته فى المواصلات
بعد ما نزلت قابلت ست غلبانة اوى
ماسكة شوية فلوس وبتقول يا جماعة ارجوكم ساعدونى انا عاوز نص جنيه بس عشان اقدر
اركب واروح
فمشيت وعدتها وبعدين صعبت عليا اوى فرجعت اديلها خمسين قرش ..المهم تروح بيتها
معززة مكرمة
فكنت ماسك شوية فكة فى ايدى وادتها الخمسين قرش
قالتلى انت معاك فلوس اهو هات الجنيه ده كمان
قلتلها اتفضلى وادتهولها ..قالتلى بس اوعى تكون محتاجه ولا حاجة
ذوق خالص الست دى
قلتلها لا ابدا اتفضلى
وركبت آخر اوتوبيس
فى تاريخ هذا اليوم
وانا متجه الى البيت
وكان الاوتوبيس زحمة اوى
ووقفت ادام الكمسرى
لغاية ما فضى مكان فى الكنبة
وقعدت ع الكنبة
كان ولد قول عنده حوالى 14 سنة قاعد ع الكنبة فى اخرها ونايـــم وانا قاعد جنبه وباقى
الناس قاعدين جنبنا
وكلنا مكبوسين ولزقين فى بعض
المهم فاضل محطة او اتنين على والاوتوبيس يدخل الموقف
اللى هنزل فيه
وانا سرحان ومش واخد بالى خالص
وعاوزكوا تركزوا وتتخيلوا اللى هقوله ده
فاضل محطة على اخر الخط
والاوتوبيس شبه فاضى تماماً
والكنبة فاضية طبعاً
والولد اللى قاعد ع الكنبة فى اخرها نايم وانا لازق فيه
فجأة قام راجل من ادام شوية وقام راجع ورا وباصصلى حتة بصا
وباصص للواد اللى انا لازق فيه
قمت انا اخدت بالى وبعدت
قام شاخط فى الواد قال له قوم ياض عشان ننزل
قال له حاضر يابا
وكان شكلى وحش اوى

فيلم هندى

انفلونزا الطيور فى عمارتنا

الموضوع الاول راح فى الوبا

كلاكيت تانى مرة

الموضوع الاول راح فى الوبا

كلاكيت تانى مرة

انفلونزا الطيور فى عمارتنا

جرس الباب بيرن

بيقول تررن تررن

:إبن الجيران

الحقوا يا جماعة انفلونزا الطيور فى العمارة

احنا لقينا فرخة ادام باب جارتنا اللى تحت عمالة تفرفر وشكلها مريب

وياريت تخدوا رقم التليفون ده وتتصلوا بالجهة المسئولة والمختصة بمواجهة انفلونزا الطيور

عشان يبعتوا حد ييجى يشيل الفرخة وياخدوا عينات وحركات

اتخنقت اوى وقلت بينى وبين نفسى ما يتصل هو

وبعدين حاجة غريبة سايبين كل الشقق وبيخبطوا علينامع ان الفرخة مش ادام شقتنا

والعمارة مليانة شباب ورجالة بشنبات

وكمان ما قالش اذا كانت الفرخة بلدى ولا بدارة

تليفونات

بدأنا نتصل برقم الجهة المسئولة عن مكافحة المرض ده فى مصر

وده اللى الرقم اللى ابن الجيران برده اداهولنا

اتصلنا بالرقم طلع مشغووووول مشغووووووول يا ولدى

زى ما يكون ديك البرابر هجم على مصر

والناس كلها بتتصل

قلنا مفيش غير البوليس هو اللى هينقذنا

"وعلى رأى المثل" الشرطة فى خدمة الشعب

بس برده كان الرقم مشغوووووول مشغووووول مشغووووول
وفجأة رد واحد علينا من البوليس وقلناله يا فندم لقينا فرخة وحكيناله الحكاية

قال لنا بسيطة يا جماعة خدوا الرقم ده واتصلوا بالجهة المختصة

تااااااااااااااااااااانى

طب ده احنا ما صدقنا حد يرد علينا
اتصلنا تانى بالجهة المسئولة برده ما زال الرقم مشغوووووول

وفجأة العمارة كلها بترقص وناس بتزغرط وبتهيص

انا افتكرت الفرخة اتكلمت

اتاريهم لقوا رقم جديد نتصل بىىىىىى

وشقتنا بقت مفتوحة للجميع وعيال الجيران يلعبوا ويتنططوا

العيد فرحة بقى واحنا عمالين نتصل

لغاية ما ردت علينا ست طيبة وبنت حلال

ايوة يا فندم لقينا فرخة وحكينا الحكاية
قالت لنا بسيطة خالص ما تقلقوش

اتفضلوا ده رقم الجهة المسئولة عن مكافحة انفلونزا الطيور

هى دى مصر يا عبلة

بعد كمية الإتصالات اللى حصلت

لقسم البوليس

و139 نجدة جمهورية ومفيش فايدة

قررنا نشمر ونفضل ورا رقم الجهة المسئولة عن مكافحة

مرض انفلونزا الطيور لغاية ما يردوا

اخيراااااااااااااا ردواااااااااا
الو الو ايوة يا فندممممممممم
احنا لقينا فى العمارة فرخة
الراجل:ما قلنالكم بلاش تربوا فراخ
لا يا فندم اصل الحكاية
الراجل: شيلوا قفص الفراخ اللى فوق السطح
يا فندم ما حدش فى العمارة مربى فراخ
لقينا فرخة شكلها غريب فرفرت وماتت والكل خايف يقرب قلنا مفيش غيركم
وانا بصراحة ما كنتش مقتنع بالجهة المسئولة والكلام ده
وقلت دول ناس اى كلام وكلهم ناس فى الحمام
بس الراجل ده اثتبلى غير كده
ولا تقوللى 911 ولا 139 جمهورية
الراجل ده طلع متخصص جداً جداً جداً

متخصص أًباً عن جداً جداً جداً
قال لنا اتبعوا الخطوات اللى هقول عليها وتنفذوها بالحرف الواحد
كلننا ودان صاغية
لازم حد فيكم يلبس جوانتى ويشيل الفرخة يدفنها فى اى مكان
ومش كده وبس
ترشوا مكانها فنيك
كان نفسى احضن التليفون وابوسه على كل خطوة وجهنا فيها
على كل همسة من همساته هذا الرجل المتخصص العبقرى
وتبرع ابويا وشالها ودفنها
وبرده رشينا فنيك
دى خطوات مدروسة بعناية يا جماعة ولازم نطبقها

تــوم أند بــصــل

اتصلت بواحد اعرفه ويُدعى وائل

واتفقت معاه اننا نتقابل بعد نص ساعة فى اول عباس العقاد

ادام توم أند بصل

ياااااااااه

ما شوفتش وائل من فترة طويلةةةةةةةة

بصراحة انا ما شوفتوش خالص

واخدت ميكروباص للمطرية

ومن المطرية ركبت ميكروباص متجهاً الى اول عباس

وما كانش فى غير مكان واحد جنب السواق

وفى نص الطريق يا معلم

طلع شاب شنتاح وقال

انا عاوز نص جنيه

التباع: يا برنس الاجرة موحدة جنيه لأول عباس

والعربيات اللى رايحة 4 ونص ب 75 قرش

يعنى ما الكش حاجة عندنا

لا يا كابتن انا عاوز النص جنيه ماليش دعوة

وانطلق رزاز السائق دون مراعاة لوجودى

umbrella وتمنيت لو معى

حتى احافظ على نضارة بشرتى وشعرى المتوهج ع الخدود يهفهف

ونزلت اول عباس

ما لقيتوش

مش عباس

لا بل صديقى اللظبظ وائل

بس لقيت ولد واقف عند توم اند بصل

كنت على يقين انه هو

الحاسة السابعة بقى ونبوغى وتوقعى السديد

وقفت جنبه

قربت منه

قلتله ازيك

قاللى الحمدلله

قلتله انت مستنى حد

قاللى ايوة

قلتله وانا كماااااااااان

قاللى طيب

قلتله بصراحة انا مستنى واحد بس ما شوفتوش قبل كده

قاللى لا يا كابتن مش انا وابتسم وضحك

وفضل طول ما هو واقف يبتسم ويضحك ضحكة اشبه بضحكة الاشتغالات

قلتله شكلك انت وبتشتغلنى

قاللى لا لا مش انا

قاللى روح اسأل اللى هناك ده شكله مستنى حد

وانا من جوايا شبه يقين انه هو ده وائل

والمشكلة انى نسيت الموبايل فى البيت

ومش حافظ رقم وائل طبعا

رحت لواحد تانى واقف قلتله انت مستنى حد

قاللى ايوة

قلتلى اصلى بصراحة مستنى حد معرفوش

قاللى نعم

قلتله لا ولا حاجة

ورجعت اقف مكانى جنب نفس الشاب

قلتله انجز بقى انجززززز

قاللى مش انا بجد مش انا

بعد شوية لقيت واحد تانى واقف مستنى

رحتله قلتله انت مستنى حد قاللى ايوة

قلتله اصلى مستنى حد معرفوش

قاللى معلش ولا يهمك

قلتله بقولك مستنى حد معرفوووووش انت ولا لا

قاللى لا

رجعت اقف جنب نفس الشاب

قلتله على فكرة هو صوته شبهك يعنى انا شايف فى صوته شكلك

قاللى يا كابتن انا مستنى اصحابى وصدقنى مش انا

لقيت واحد واقف وشكله مستنى حد

قلتله يا كابتن انا مستنى حد معرفوش هو انت

قاللى لا

وحسيت فجأة ان الناس كلها بتتبصلى وانا عمال الف

وشكلهم بيقولوا ده مجنون ده ولا ايه

ورجعت وقفت جنب نفس الشاب

قاللى طب ما تتصل بصحبك ع الموبايل

قلتله انا نسيت موبايلى

قاللى كلمهم فى البيت وخللى حد يمليك الرقم

قلتله ده اللى هيحصل

قلتله مفيش تليفون ارضى هنا

قاللى فى بتاع العصير اللى جنبنا ده

قلتله طيب انجز بقى انجززززز بدل ما تغرمنى ع الفاضى

قاللى يا كابتن مش اناااااااااااااا مش اناااا بجد

رحت اتصلت واخويا ملانى رقم وائل

رجعت وقفت جنبه وقلتله انا رايح اتصل

يعنى هتغرمنى

استعد بقى عشان ترد عليا ها

قاللى ياااااااه برده مش مصدق

مش اناااااااااااااااا مش انا

وانا رايح لمحل العصير تانى عشان اتصل بوائل

ببص ورايا

لقيت شاب جديد جه وقف ادام توم أند بصل

قلت اروح اسأله وانجز

رحت وقلتله انا مستنى حد معرفوش

انا مودى

قاللى وانا وائل

بصيت للولد الغلبان اللى ظلمته معايا

وقلتله اهو صحبى اللى انا مستنيه يا عم هتلخبطونا ليه

01- من خواطرى

عندما يُقابل الإنسان أخاه الإنسان

يُصبحا اثنان

7areee2aaaaaa

الامـتـحانـات ع الابـواب. .آه يــا ضــهــرى

ذكريات اليمة مع ا لامتحانات

قلق

اضطراب

تسلخات

بطنى بتوجعنى وعندى اسهال

الجو تلججججج

قاعد براجع الصبح وما عرفتش انام كويس

لبست ونزلت ورحت الامتحان

دخلت اللجنة وقعدت

وانا مأتب ع الورقة

ومتدفى ومتكلفت جوا الجاكيت

والجو بردددددددد

وفجأة

بسسسست

بسسسسسسست

انا افتكرت واحد زى اللى فى ستاد

وبيـعدى ع اللجان

وبيـبيع بست وعصاير

او البتاع ابو عجوة ده

طب بسسسسسسسست بسسسسسست

مفيش حد وانا مالى خلينى فى ورقتى

بسسسسسسسسسسسسسسسسسست

اوفففففف ودانى وجعتنى

ايه اللى عمال يبسبس ده

احاول اتقدم شوية بالكرسى

اوففففف الجاكيت شبك فى مسمار الكرسى

انت هناك بتتحرك ليه هاجى اعلم على ورقتك

لا مفيش حاجة ده انا شبكت بس

طب بص فى ورقتك بدل ما آجى اعلملك عليها

حاضر

نسطر الصفحة ونوضب كده ونبدأ

المسألة دى حلوة اوى

آآآآآآآآآآآآآآآآآآآآآه

آآآآآآآآآآآآآآآآآآه

آآآآآآآآآآآآآآآآآآه

ضهرىىىىىىىىى

ضهرىىىىىىىىىىىىىى

ضربة قوية + عجة مفترية على ضهرى

أتت من مصدر مجهول ولكنه خلفى

جالى شلل رعاش وفقدان ذاكرة وقتى لمدة 10 دقايق

سبت الورقة والقلم وكل حاجة وفكيت ام الجاكيت من ام المسمار

ونظرت بحدة الى الخلف

واتفاجأت جداااااا

وشعرت بصدمة كبيرة

صدمة مثل التي تلقاها الأمريكان على ميناء بيرل هاربور

لأرى بنوتة تنظرلى بشفلطة وايديها مرزبة

انت يا كابتن مش ببسبسلك من الصبح تستاهل عشان تبقى ترد

بتضربى يا بنت ال

انت هناك اترزع مكانك هاجى اعلم على ورقتك

خلاص يا عم اترزينا انت خنقتنى اصلا

وشكلى انا اللى هعلم عليك بعد الإمتحان