اتصلت بواحد اعرفه ويُدعى وائل
واتفقت معاه اننا نتقابل بعد نص ساعة فى اول عباس العقاد
ادام توم أند بصل
ياااااااااه
ما شوفتش وائل من فترة طويلةةةةةةةة
بصراحة انا ما شوفتوش خالص
واخدت ميكروباص للمطرية
ومن المطرية ركبت ميكروباص متجهاً الى اول عباس
وما كانش فى غير مكان واحد جنب السواق
وفى نص الطريق يا معلم
طلع شاب شنتاح وقال
انا عاوز نص جنيه
التباع: يا برنس الاجرة موحدة جنيه لأول عباس
والعربيات اللى رايحة 4 ونص ب 75 قرش
يعنى ما الكش حاجة عندنا
لا يا كابتن انا عاوز النص جنيه ماليش دعوة
وانطلق رزاز السائق دون مراعاة لوجودى
umbrella وتمنيت لو معى
حتى احافظ على نضارة بشرتى وشعرى المتوهج ع الخدود يهفهف
ونزلت اول عباس
ما لقيتوش
مش عباس
لا بل صديقى اللظبظ وائل
بس لقيت ولد واقف عند توم اند بصل
كنت على يقين انه هو
الحاسة السابعة بقى ونبوغى وتوقعى السديد
وقفت جنبه
قربت منه
قلتله ازيك
قاللى الحمدلله
قلتله انت مستنى حد
قاللى ايوة
قلتله وانا كماااااااااان
قاللى طيب
قلتله بصراحة انا مستنى واحد بس ما شوفتوش قبل كده
قاللى لا يا كابتن مش انا وابتسم وضحك
وفضل طول ما هو واقف يبتسم ويضحك ضحكة اشبه بضحكة الاشتغالات
قلتله شكلك انت وبتشتغلنى
قاللى لا لا مش انا
قاللى روح اسأل اللى هناك ده شكله مستنى حد
وانا من جوايا شبه يقين انه هو ده وائل
والمشكلة انى نسيت الموبايل فى البيت
ومش حافظ رقم وائل طبعا
رحت لواحد تانى واقف قلتله انت مستنى حد
قاللى ايوة
قلتلى اصلى بصراحة مستنى حد معرفوش
قاللى نعم
قلتله لا ولا حاجة
ورجعت اقف مكانى جنب نفس الشاب
قلتله انجز بقى انجززززز
قاللى مش انا بجد مش انا
بعد شوية لقيت واحد تانى واقف مستنى
رحتله قلتله انت مستنى حد قاللى ايوة
قلتله اصلى مستنى حد معرفوش
قاللى معلش ولا يهمك
قلتله بقولك مستنى حد معرفوووووش انت ولا لا
قاللى لا
رجعت اقف جنب نفس الشاب
قلتله على فكرة هو صوته شبهك يعنى انا شايف فى صوته شكلك
قاللى يا كابتن انا مستنى اصحابى وصدقنى مش انا
لقيت واحد واقف وشكله مستنى حد
قلتله يا كابتن انا مستنى حد معرفوش هو انت
قاللى لا
وحسيت فجأة ان الناس كلها بتتبصلى وانا عمال الف
وشكلهم بيقولوا ده مجنون ده ولا ايه
ورجعت وقفت جنب نفس الشاب
قاللى طب ما تتصل بصحبك ع الموبايل
قلتله انا نسيت موبايلى
قاللى كلمهم فى البيت وخللى حد يمليك الرقم
قلتله ده اللى هيحصل
قلتله مفيش تليفون ارضى هنا
قاللى فى بتاع العصير اللى جنبنا ده
قلتله طيب انجز بقى انجززززز بدل ما تغرمنى ع الفاضى
قاللى يا كابتن مش اناااااااااااااا مش اناااا بجد
رحت اتصلت واخويا ملانى رقم وائل
رجعت وقفت جنبه وقلتله انا رايح اتصل
يعنى هتغرمنى
استعد بقى عشان ترد عليا ها
قاللى ياااااااه برده مش مصدق
مش اناااااااااااااااا مش انا
وانا رايح لمحل العصير تانى عشان اتصل بوائل
ببص ورايا
لقيت شاب جديد جه وقف ادام توم أند بصل
قلت اروح اسأله وانجز
رحت وقلتله انا مستنى حد معرفوش
انا مودى
قاللى وانا وائل
بصيت للولد الغلبان اللى ظلمته معايا
وقلتله اهو صحبى اللى انا مستنيه يا عم هتلخبطونا ليه
19 comments:
:D
هههههههههههههههههههههه
يعنى اتغرمت برضه فى الاخر
ربنا معاك يبنى :P
المهم انك لقيت صحبك في الأخر, وربنا يكون في عون الولد التاني انه فضل ساكت لك كل ده.
emz
فرحانةفيا ماشى ماشى
D:
ايوة اتغرمت يا مامى
انا كلى فلوس نياعاعاعا
esraa
اه الحمدلله فعلا انى لقيتوا
لانى كنت عاوزه فى شغل مهم
اما الولد التانى
والله كنت هقول له طلع البطاقة عشان اخلص
بس قلت حرام
D:
كنت تكلمني يا ندل
بجد ضحكتني يا محمود :D
دينا فهمى
يااااااااااااااه
ماشى يا حاجة دينا :D
عشرة على عشرة
وربنا انت شاب زي العسل
فى انتظار الجديد دائما
سلام يا معلم
حلوة أوي بجد
أنت شربت عصير بقى وللا كنت دفعت تمنه في التليفون؟
عارف لو بطلت تكتب؟!!
Anonymous
ربنا يخليك يا جميل ونورت المدونة
وانتظر الجديد
مصـ( الخير )ـعب
ما شربتش عصير يا حومبى
انا كنت مقضيها اتصالات
بس الواد اللى كان واقف جنبى صبوووووور
والله ا لعظيم كنت هقول له طلع البطاقة عشان نخلص
انا رافع شعار ما تبطلش كتابة
هههههههههه
بجد زى العسل
موقف لاتحسد علية
بس لو أنا من الواد اللى أنت قرفتة دة.. كنت ضربتك برجل كرسى وريحت دماغى ولما ييجى وائل هقولة مودى فى الأنعاش
الاباصيرى
ليه كده يا أباصيرى
ده كان ولد عسول وغلبان اوى
والله كنت هقول له طلع البطاقة
بس انا صبور
D:
ياههههههههههههههه
كنت خليتوا يحط ورده حمره زيّ الافلام الأبيض و السود
lol
koukawy
او زى فيلم رامى قشوع
D:
هههههههههههههههههههههههههههههه
والله انت مصيبة يا مودى بجد :D
انا لو من الشاب التانى ده كنت موتك و استريحت و يجى وائل ياخد العزا بتاعك بقا يا حلو ههههههههه
diaa
D:
ليه كده يا مفترى
لا بس كان يوم لظيظ
والحمدلله انى عترت فى وائل فى الآخر
اولا البوست يجنن انا مبطلتش ضحك ولو انا مكانك مش عمل كده لو هموت من الوقفه بس بجد انت تحفه لانى متخيله حد بيعمل كده احمد ربنا ان مفيش حد اتهور وضربك ومتنساش الموبايل تناى يلا باى
bonboni
لا الحمدلله ما بقتش انسى الموبايل
وبعدين الولد كان شكله طيب
عشان كده دخلت فيه بقلب جامد
D:
Post a Comment