شاب فقرى: الامـتـحانـات ع الابـواب. .آه يــا ضــهــرى

Thursday, 4 January 2007

الامـتـحانـات ع الابـواب. .آه يــا ضــهــرى

ذكريات اليمة مع ا لامتحانات

قلق

اضطراب

تسلخات

بطنى بتوجعنى وعندى اسهال

الجو تلججججج

قاعد براجع الصبح وما عرفتش انام كويس

لبست ونزلت ورحت الامتحان

دخلت اللجنة وقعدت

وانا مأتب ع الورقة

ومتدفى ومتكلفت جوا الجاكيت

والجو بردددددددد

وفجأة

بسسسست

بسسسسسسست

انا افتكرت واحد زى اللى فى ستاد

وبيـعدى ع اللجان

وبيـبيع بست وعصاير

او البتاع ابو عجوة ده

طب بسسسسسسسست بسسسسسست

مفيش حد وانا مالى خلينى فى ورقتى

بسسسسسسسسسسسسسسسسسست

اوفففففف ودانى وجعتنى

ايه اللى عمال يبسبس ده

احاول اتقدم شوية بالكرسى

اوففففف الجاكيت شبك فى مسمار الكرسى

انت هناك بتتحرك ليه هاجى اعلم على ورقتك

لا مفيش حاجة ده انا شبكت بس

طب بص فى ورقتك بدل ما آجى اعلملك عليها

حاضر

نسطر الصفحة ونوضب كده ونبدأ

المسألة دى حلوة اوى

آآآآآآآآآآآآآآآآآآآآآه

آآآآآآآآآآآآآآآآآآه

ضهرىىىىىىىىى

ضهرىىىىىىىىىىىىىى

ضربة قوية + عجة مفترية على ضهرى

أتت من مصدر مجهول ولكنه خلفى

جالى شلل رعاش وفقدان ذاكرة وقتى لمدة 10 دقايق

سبت الورقة والقلم وكل حاجة وفكيت ام الجاكيت من ام المسمار

ونظرت بحدة الى الخلف

واتفاجأت جداااااا

وشعرت بصدمة كبيرة

صدمة مثل التي تلقاها الأمريكان على ميناء بيرل هاربور

لأرى بنوتة تنظرلى بشفلطة وايديها مرزبة

انت يا كابتن مش ببسبسلك من الصبح تستاهل عشان تبقى ترد

بتضربى يا بنت ال

انت هناك اترزع مكانك هاجى اعلم على ورقتك

خلاص يا عم اترزينا انت خنقتنى اصلا

وشكلى انا اللى هعلم عليك بعد الإمتحان

17 comments:

logarithms said...: ايوة يا عم الناس اللي لسة مبدأتش دي

انا بمتحن من قبل العيد بأسبوع

وبعدين يا محمود هي كانت بتبسبسلك ليه:P; 4 January 2007 at 18:26:00 GMT+2
Anonymous said...: :D

اه صحيح هي كانت بتبسبسلك ليه؟

الأسلوب حلو:D; 4 January 2007 at 19:46:00 GMT+2
Amira Hassan said...: انا خلصت امتحانات..بتفكرني بيها ليه بس :(; 5 January 2007 at 01:51:00 GMT+2
Tamer Nabil Moussa said...: ربنا يوفقك

طمنا بقى على النتيجة

تحياتى; 5 January 2007 at 23:02:00 GMT+2
Anonymous said...: فتح يا مودي مش كده
بتبسبسلك يعني شوف الامورة عايزة ايه :)

افرض كانت سوسو كعب الغزال !!!!!; 6 January 2007 at 02:29:00 GMT+2
logarithms said...: صحيح يا مودي
افرض كانت سوسو
مش كنت قلت للمراقب يسحب ورقتها :D; 12 January 2007 at 01:04:00 GMT+2
shabfa2re said...: logarithms
هتكون بتبسبس ليه
اكيد قلمها وقع جنبى ولا حاجة; 13 January 2007 at 20:08:00 GMT+2
shabfa2re said...: marawita
منورة يا حاجة مرويتا
والحمدلله انها عجبتك
:D; 13 January 2007 at 20:09:00 GMT+2
shabfa2re said...: Amira Hassan
منورة يا صحفية يا كبيرة
وزعلانة ليه طالما خلصتى امتحانات
امال احنا نعم ايه
ادعيلنا; 13 January 2007 at 20:19:00 GMT+2
shabfa2re said...: tamer
ربنا يخليك يا جميل
هطمنك ان شاء الله
دعواتك; 13 January 2007 at 20:20:00 GMT+2
shabfa2re said...: susu online
منورة يا كعب الغزال
امورة ايه بس ده انتى طيبة
$:; 13 January 2007 at 20:20:00 GMT+2
shabfa2re said...: logarithms
لو كانت سوسو كنت رديت عليها طبعا
$:
D:; 13 January 2007 at 20:21:00 GMT+2
Nesta said...: هي كده خلصت يا مودي ؟؟؟؟; 21 January 2007 at 21:00:00 GMT+2
Archer said...: وانا أقوووووول مكنتش عايز تركب يوميها الميكروباص ليه

ههههههههههههه

بس كان امتحان لوز خالص ..

عثل خالص

جميل خالص خالص; 25 January 2007 at 02:14:00 GMT+2
shabfa2re said...: nesta
هى خلصت بس تابعنا
يمكن تكسب فى السحب الشهرى; 22 February 2007 at 01:43:00 GMT+2
shabfa2re said...: sniper
لا يا حومبى دى مرة تانية
D:; 22 February 2007 at 01:43:00 GMT+2
بيبو said...: الجملة بتاعة صدمة مثل التى تلقاها الامريكان على ميناء بيرل هاربور دى بتاعتى و انت سرقتها منى

بيبو
فلاشتى; 31 May 2007 at 18:55:00 GMT+2