اسم مدونتك؟
شاب فقرى
لماذا اخترته.. ماذا تقصد به؟
فقرى جايا من الضحك لما حد بيقول نكتة حلوة او موقف حلو بيقولوا انت فقرى فإختارته
هل فكرت في إغلاق المدونة.. والسبب؟
طبعاً لأ .دى ليها هدف وهدف جميل انا بحبه اوى وهواسعاد الآخرين
صورتك فى المدونة ..رمزيتها ؟
دى صورة نوفل واسمه الحقيقى فاسوخة عبد الحميد
وربنا يرحمه ويسعده كما اسعدنا واضحكنا
والصورة دى هتتغير كل فترة لصور فقرية برده
طبيعة كتابتك فى المدونة بشكل عام ..سياسة ..قصة ..عبث ..كلام فاضى ؟
كلام له هدف
لماذا تدون أصلا ؟
هدفى من المدونة دى انى اسعد الآخرين زى ما قلت
لكن فى مدونة تانية هدفها انى اكتب بحرية وافضفض واحاول افيد واستفيد
أحلى جملة قيلت لك فى وصف مدونتك ؟
هو فى تعليقات على المواضيع فرحتنى اوى
مصعب قاللى ما تبطلش تكتب وده شجعنى وفرحنى
فى بنت قالت انا كنت داخلة مكشرة بس مدونتك اسعدتنى
واحد قاللى انت فين من زمان اللى زيك قليلين اوى وكان محتاج البسمة دى
التعليقات بالنسبة لك ..أهميتها ؟
مهمة طبعاً عشان اعرف رد الفعل والناس عجبها الموضوع ولا نص نص
أحلى بوست كتبته ..ضع اللينك ..ثم اذكر لماذا ؟
مسلسل الفرسان
بس اوعوا تفتكروا انه مشهد م المونتاج لا والله ده مشهد صحيح 100% فى المسلسل
وهو احلى بوست عشان بتظهر الابداع المصرى!
أفضل مدونة قرأتها ..يمكن اختيار عدة مدونات ؟
مش هجامل وهقول كله بفضله
بس انا بحب المدونات دى اوى اوى
وبحب تفكير اصحابها وشخصياتهم ودى بيظهر من خلال تعليقاتهم وكتاباتهم
http://infinite-grief.blogspot.com/
http://darbetshamsy.blogspot.com/
http://theprincess28.blogspot.com/
http://mos3abof.blogspot.com/
http://mahamemo.blogspot.com/
http://amirahass.blogspot.com/
http://amirtelbaltgaya.blogspot.com/
وفى مدونات تانية بس متوقفة حالياً ومقفولة:(
أفضل بوست قرأته ..يمكن اختيار اكتر من لينك ؟
ده اخر حاجة قرأتها وعاجبنى
يا أهل القاهرة والله مساكين
هل خسرت صديق بسبب كتابة هنا؟
لع
حد قل ادبه فى التعليق ..ايه رد فعلك ؟.
واحد لظيظ كتب موقف قليل الادب فمسحت تعليقه والمشكلة انى عارف هو مين
بس هو جبان وما كتبش التعليق بإسمه
أسوأ مدونة ..الاجابة اجبارية ..يمكن اختيار عدة مدونات ..هما كتير اصلا؟
ما ينفعش اجاوب اجبارى بقى انا اعمل مدونة طويلة عريضة عشان اسعد الناس
وآجى فى رد ازعل حد منى
يا شريريييييييييييييييين
أسوأ بوست ؟
بوست واحد صحبى فى خده
أسوأ مدون ..مهو هتجاوب هتجاوب ؟
مش هقول واحد بعينه
لكنى بكره المدونين اللى بيتعامله مع حرية المدونات بكتابة الفاظ خارجة
وبكره المدونين المغرورين
همرر التاج ده للناس اللى قلت على مدوناتهم انها المفضلة ليا
بس اللى مش عاوز يجاوب براحته بردييييييك
33 comments:
أنا أول واحده (:
ربنا يخليك يارب انك حطيت اللينك بتاع مدونتي, ردودك حلوه يامودي, وميرسي انك جاوبته.
اول مرة ادخل مدونتك
بس شكلها مش اخر مرة
تحياتي
مساء الخيييييييييييييييير ياشاب ياعسل
ربنا يخليك على طول وتضحكنا دائما
تحيات إسكندراى فى بلاد الله الواسعه
انا برضه اول مرة ادخل على مدونتك ومش هتكون الأخيرة لاني عجبتني بساطة الكلام والردود اللطيفة
يا خراشيييييي
بقي انا من احلى واجمل والطف واظرف والذ واتحف المدونات اللي انت زرتها
بجد كتير اوي الكلام ده عليا يا شب
بس لو مكونتش بس توصف كل الوصف ده
ههههههههه
عموما شكرا يا سيدي ع التاج
واحب اقولك ان سبقتك
عندي اتنين تاج
ده
http://amirtelbaltgaya.blogspot.com/2007/02/blog-post_21.html
وده
http://amirtelbaltgaya.blogspot.com/2007/02/blog-post_03.html
ميرسي كتييييييييير
والتاج بتاعك زي العسل
مبروك الاول التدبيسه التاجوية دي
الي خلاص المدونات كلها هتقلب تاجاتيه و هنبطل نكتب وعجبني هدفك اوي اسعاد الناس و فعلا انا سعيد اني دخلتلك و انشاءالله ناطط عندك يا معلللللم
كتابتك لذيذة يا فقرى وربنا يبعدك عن الفقر من اساسه تعاملك مع المواضيع بطبيعتك اجمل شىء
دى اول مرة ليا ازور مدونتك بس انشاءالله مش هتكون الاخيرة
علم وسينفذ!
:) ربنا يخليك يا "حومبي"
esraa
نفسى اعرف بتلحقى ازاى
فى كل البلوجز بلاقيكى اول كومنت
والعفو على ايه فعلاً مدونتك جامدة
وثانك يو اوى على التاج
كراكيب عادل
تنورنى يا عادل باشا
iskanderani
تحية ليكوا يا اسكندرانية يا اجدع ناس
ومنورنى يا جميل
abd el rahman
تشرفنى وتنورنى دايماً يارب
اميرة البلطجية
ربنا يخليكى يا بلطجية
ايوة بقى فعلا مدونتك جامدة ولظيظة
يلا يا عم مش هنكسفك
copa
jump ya gameel
بس التاجات حاجة لظيظة وبتقرب المدونين من بعض
واهو كسر لحالة الملل
لان احياناً مش بنلاقى حاجة نكتبها
yousef
ربنا يخليك يارب
وكلك ذوق بجد وتنورنى طبعاً
مصـ( الخير )ـعب
ماى لافلى
اشواقى مش بتقل
دى زايدة
ههههههههههههههه
مستنى اجاباتك ع التاج يا مصعوبون
يا تاجاتك يا هولندا
فى انتظار المزيد
انت مبتجيش لية
قشطة جدا
ايه الجمال ده
رد مقنع ما ينفعش اعمل له نقض ولا استشكال
على اى حال تعيش وتاخد فى تاجات
كويس اوى ان عجبك موضوع أهل القاهرة والله مساكين
ده شئ يسعدني جدا
islamist bloke
نورتنى يا جميل شكراً لك
كراكيب عادل
انا جاىىىىىىىىىىىىى
elkamhawi
قشطة ياباشا نورتنى
shiko
ميرسى اوى يا شيكو وكلك ذوق بجد
بنى آدم مع وقف التنفيذ
انا اللى يسعدنى زيارتك يا جميل
وربنا يوفقنا جميعاً
يا ابنى انت فقرى برضة ما فيش فايدة
انت فين مختفي لية
ياااااااه يا محمود .. أنا مكنتش مصدقة عيني وانا بقرأ اسم اللينك بتاع مدونتي عندك ضمن أحلى مدونات عجبتك .. بجد إطراء جميل وأنا بشكرك عليه اوي .. حسيت اني مهمة
عموماً أنا هجاوب على التاج ده مخصوص عشانك وشكراً مرة تانية وتالتة
أما إجاباتك فهي رائعة كالعادة بس أحلى رد عجبني كان على أسوأ بوست وقفت عنده كتير وقعد اضحك .. بجد دمك خفيف
sokomonoce
ربنا يخليك يا حومبى كلك ذوق
بنى آدم مع وقف التنفيذ
انا اهو يا جميل
عدت لأنتقم D:
shams
نورتنى كعادتك يا شمس
بس ايه الكلام الكبير ده
اطراء وحركات
بصى م الاخر انا ماليش فى الحركات القرعة
وبحب مدونتك اوىىىىىىى
اما عن ردك التانى فكلك ذوق ربنا يخليكى يارب
والحمدلله انى مش تقيل على حد
:)
دى اول مرة اشوف مدونتك بس بجد لذيذة وليها روح مختلفة
جميل الحوار مع نفسك
مروة عوض
ميرسى لذوقك ونورتى المدونة
وياريت تنورينا دايماً
Post a Comment