Thursday, 22 February 2007

كبير الرحيمية ..احمد عبد الرحيم



بعيد عنكم وعن السامعين كنت فى سنة اولى وتانية مغترب فى جامعة فى الصعيد
وكنت قاعد فى سكن خارجى مع طلبة طبعا
واحد من المعادى
واتنين صعايدة من قنا
وواحد من المنيا وواحد م المنصورة
شادى=المعادى....محمد اوتو=المنيا..احمد عبد الرحيم=المنصورة
محمد عبده=قنا
واحد من بتوع قنا كان اكبر مننا بسنة ونظام الاخ الكبير اللى بينصحنا وكده فكنا بنتخنق منه
ونقعد احنا الباقى نقضيها
نروح الجامعة مع بعض ونسهر نذاكر وكالعادة بعد ما نخلص مذاكرة
نقضيها كوتشينة ودور كِنت
baby face والواد بتاع قنا كان ابيضانى وشعره بنى وعنيه خضرا و
احمد عبد الرحيم: تعرفوا يا جماعة انا شوفت بنت شبه محمد عبده
محمد عبده: احترم نفسك ياض انت تقصد انى عامل زى البنات
احمد عبد الرحيم: لا بس البنت عنيها ووشها شبهك بالظبط وبكرة اتعرف عليها وهخليكو تشوفوها
عشان تتأكدوا انها شبه محمد عبده
احمد عبد الرحيم ده كان بؤ وغلبان وطيب اوى لدرجة العبط احياناً وياما اتبهدل يا عينى فى البلد دى
وفى يوم واحنا نازلين الجامعة الصبح وانا عارف ان كلامه انه هيروح يكلم البنت كله كلام ومنظرة
قاللى بقولك ايه انا هكلم البنت وهتعرف عليها بس لازم اقول لها اى حاجة كده تضحكها وبعدين اقرب واتعرف عليها
انا قلتله اللى عندى بس كنت متأكد انه ولا هيكلمها ولا أى حاجة وانه بؤ
المهم عدى اليوم ورجع احمد عبد الرحيم ومعاه محمد اوتو هما قريبين من بعض كمان لانهم قاعدين فى الاوضة مع بعض
ومحمد اوتو عمال يضحك على أحمد واللى عمله مع البنت
قلتله ايه يا ابنى الساعة 9 كنتوا فين كل ده
قاللى فضلنا قاعدين فى الكلية لغاية ما قفلوها والبنت واصحابها بيروحوا مشى وبيعدوا الكوبرى الطويل
وفضلنا ماشيين وراهم على الكوبرى
وفى الفترة دى كان البوم تامر وشيرين مكسر الدنيا هناك
مشغلينه فى البيوت والقهاوى والميكروباصات والتاكسيات والمحلات وكل مكان مفيش غير تامر وشيرين
المهم احمد فضل ماشى ورا البنت على الكوبرى
وقاللى انا قلتلها اللى انت قلتهولى..قلتله يا ابنى انت بتهرج! قلتلها ايه
قاللى وانا ماشى وراها ع الكوبرى قلتلها مش هتعبرينى بقى عشان نبقى زى تامر وشيرين
وبعدين ولا عبرتنى
وبعدين قلتلها لو ما كلمتنيش انا هعمل هعمليه استشهادية وهفجرك معايا
قاللى لقيتها ضحكت شوية فقلت لما اديها التالتة بقى
زقلطنى الحب زقلوط نمت فى بنها صحيت فى اسيوط
قاللى لقيت الكوبرى بيتهز من ضحكها هى واصحابها
ووقفت وقالتلى طب انت عاوز ايه منى بقى
قلتلها انا عاوز اتعرف عليكى
قالتله واشمعنى انا
قال لها عشان انتى شبه واحد صحبى

52 comments:

Sokomonoce said...

انا دخلت اشوف انت كاتب ايه النهاردة وكنت باسمع عبد الحليم فاتت جنبنا لقيت نفسى قاعد اضحك مش عارف اسكت
هههههههههههاااهاهاااههااااههههههههاههههههاهههههههاهاههاهاهاهاهاههاهاهاههاهاهاهها

esraa said...

هههههههههههههه
عشان انت شبه واحد صاحبي, ياخبر أبيض, حد يقول لبنت كده, طب هي كان ردها عليه ايه؟

shams said...

حلوة اوي .. هلكتني من الضحك
بس برده عايزة اعرف ردها ايه ؟

أميرة البلطجية said...

هههههههههههههههههههههههههههههه
انت مسخرةةةةةةةةةةةةةةة

love4u said...

جامده مووووووووووت

زاقلطنى الحب زقلوط و فى الاخر طلع شلوط

khaled said...

زقلطنى؟
ههههههههههه
قولى بقى مين الفقرى فيكم؟

Iskanderani said...

مساء الخير عليك يا فقرى ... انت لسه موجود منك فى مصر؟؟؟ تعالى عندنا يافقري.... احنا محتاجين واحد فقري قوى قوى يضحكنا عند اللزوم . . .كفايه الصوره فى البلوج بتاع حضرتك لو لم تحضر شخصيا... تحيات إسكندران في بلاد الله الواسعه

إبن بهيه said...

دخلت هنا صدفه
وما عرفتش أخرج

بس إيه زقلطني دي؟

على فكره انته شبه واحد صاحبي
فقري زيك برضه ومطلع عيني
لكن هاموته قريب
عشان النكد يكمل

هاجي تاني
أرق أرق تحياتي

shiko said...

هههههههههههههههه
زقلطنى الحب زقلوط نمت فى بنها صحيت فى اسيوط
بقى ده كلام ده يا عم الشباب
الحمدلله ان البنت كانت عاقله ومقلعتش اللى فى رجلها واديته
نصيحه من ماتنصحش حد تانى ابدا

شيماء الجيزى said...

والله ضحكتنى يا عم الفقرى انا دخلت مدونتك بالصدفه وقعدت اضحك وانا كنت مكشرة

بس بجد هى عملت فيه ايه بعد كده؟

الأباصيرى said...

يخرب بيت فقرة

دة تحفة بجد


أصلك شبة واحد صاحبى
لوووووووووووووول

جااااااااااااامدة

Sampateek said...

دامب اند دمبر

علشان كده

فعلا

حلوة صعيح

shabfa2re said...

sokomonoce
تصدق فاتت جنبنا ماشية مع الموقف الرومانسى اللى انا كتبته
D:
نورتنى والحمدلله ان ا لبوست عجبك

shabfa2re said...

esraa
shams
طبعاً الولد غرضه شريف وصريح
والبنت مسحوبة من لسانها
وبعد ما مشى وراها وقال لها عاوز اتعرف بيكى
وضحكت بقى وخلاص المفروض انها وافقت يتعرف بيها
ولما قال لها هتعرف بيكى عشان شبه واحد صحبى وصحبتها ضحكوا عليها
قالتله وانت الكلب بتاعه
:(
شايفين البنات ولسانهم الوحش
D:

shabfa2re said...

اميرة البلطجية
نورتينى يا اميرة
والحمدلله ان البوست عجبك
D:

shabfa2re said...

love4u
ربنا يخليك يا باشا وكلك ذوق والحمدلله ان البوست عجبك

shabfa2re said...

khaled
منورنى يا باشا
بس راجع الموضوع
وانت عارف ان كلامه انا اللى قلتهوله
D:

shabfa2re said...

iskanderani
منورنى يا جميل
وكلك ذوق بجد
وده هدف البلوج فعلاً
ان الناس اكيد عندها هموم
ورسم البسمة ما بقاش سهل
بس بالنسبالى سهل ومتعة ليا انى اشوف الناس فرحانة ومبسوطة
:)

shabfa2re said...

إبن بهية
نورتنى يا جميل
واتمىن تزورنى دايماً
والحمدلله ان البوست عجبك
وزقلطنى دى شوفتها فى فيلم
وقالها فاروق الفيشاوى

shabfa2re said...

shiko
انا احترت بقى يا شيكو فيك
بس اعتقد انك بنوتة
وميرسى لردك
والحمدلله ان البوست عجبك
والبنت شتمته
وقالتله وانت الكلب بتاعه؟
:(
شوفتى البنت لسانها طويل ازاى
والولد غلبان وغرضه شريف
D:

shabfa2re said...

شيماء الجيزى
اولا شكرا جدا لردك وزيارتك
والحمدلله ان البوست عجبك
والبنت شتمته وقالتله
وانت الكلب بتاعه؟

shabfa2re said...

الاباصيرى
ما هو بعيد عنك انا اللى قلتله يقول كده
بس ما كنتش اعرف اصلاً
انه بجد هيكلمها
ونورتنى يا جميل
والحمدلله ان البوست عجبك

shabfa2re said...

sampateek
يااااااااااااه فينك يا سمباتيك
نورتينى ومدونتك على فكرة جامدة اوى
والحمدلله ان البوست عجبك

fnan_geology said...

ادخل عندى ضرورى جدااااااااااااا
وانصر الطلبه المفصولين

وسلاااااااام
https://www.fnangeology.com/

Amr Ahmed said...

ههههههههههههههههههههههههه

ماشاء الله عليه

ده شاب هايل فعلا

عقدت الواد وعقدتني يا زيزو

shams said...

اخص عليها .. بجد لسانها طويل ووحش
ومتستاهلش الكلام الحلو اللي هو قالهولها ولا دمه الخفيف

fnan_geology said...

اللينك الصحيح
https://www.fnangeology.blogspot.com/

sosa said...

بصراحة يستاهل
وهى كمان تستاهل
وانت مقصرتش وعملت اللى عليك
انا بحييك على موقفك الشجاع مع صاحبك ووقوفك جنبه بالشكل ده

sendrlla said...

ههههههههههههههههههههههههههههههههههههههههههههههههههههههههههههههههههههههههههههههههههههه

نو كومنت.................

shabfa2re said...

fnan_geology
جزاك الله خيراً

shabfa2re said...

amr ahmed
نورتنى يا جميل
بس انا عقدتك فى ايه بقى
D:
ومين زيزو ده

shabfa2re said...

shams
هههههههه
حرام عليكى ده ولد غلبان اوى
يعنى كان يكدب؟
:(

shabfa2re said...

sosa
ثانك يو فيرى مطش
البنت الغلطانة صح
الولد غلبان
D:

shabfa2re said...

sendrlla
نورتينى يا سندريلا
والحمدلله ان البوست عجبك
D:

3rby said...

عسولة خالص

safa7_karmooz said...

هههههههههههههههههههههههههههههههههههههههههههههههههههههههههههههه

عجبنى فحت رزع ااخر كلمة ...عشان شبه واحد صاحبه

هههههههههههههههههههه

طب ممكن ااتوقع الرد بتاعها ايه :D

هتعيش فقرى وتموت فقرى :p

Supernova said...

كان خلااااااااص
بس لازم يعك الدنيا في الاخر
:):):):):):)
ههههههههههههههههههه
هلكت من الضحك بجد طريقة سردك تهلك من الضحك

Iskanderani said...

ياعم أيييييييييييه الحلاوة دى ...انت حاطتنى عندك فى المبوله ؟؟؟
دا إنت صحيح فقرى بجد ..وانا كنت فاكر انك فقري كده وكده ...حيث كده ....زنبك على قفاك موش على جنبك بس ...ان راح ابعث لك دعوة ولا أنت مالكش عوة؟؟؟؟
ياعم ربنا يزيدك (بس موش فقر ..لآلآلآلآلآلآلآلآلآلآلآ يافقري)

esraa said...

أنا دبستك في تاج يامودي(:
ادخل شوفه وحله.

shabfa2re said...

3rby
ربنا يخليك يا باشا
والحمدلله ان البوست عجبك

shabfa2re said...

safa7_karmooz
توقع يخويا ردها ؟
D:
ونورتنى يا باشا

shabfa2re said...

suprnova
نورتى يا جميل
والحمدلله ان البوست عجبك

shabfa2re said...

iskandernai
هههههههههه
ماشى يا جميل الف شكر ونورتنى

shabfa2re said...

esraa
هييييييييييييه
ثانك يو ع التااااااج

copa said...

هيع هيع ه يع هيع هيع هيع هي ع جيع ههههههههههههههههه حواااااار جامد اوي ياعني بعد ما خلاص كان الواد ده ربنا يسامحه البنت زماناها ندمت انها ضحكت اساسا

shabfa2re said...

copa
تعمل ايه بقى
الواد صريح زيادة عن اللزوم
D:

تخاريف said...

الموقف فظييييييييييييييييييعع

ههههههههههههههههههههههههههه

تخاريف said...

مش ممكن الموقف فظييييييييييييييييييع

هههههههههههههههههههههههههههههههه

shabfa2re said...

تخاريف
D:
نورتى المدونة
والحمدلله ان البوست عجبك

bonboni said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه انت مش طبيعى بجد

shabfa2re said...

bonboni
ههههههههههه ماشى ميرسى
نورتينى والحمدلله ان البوست عجبك

حواديت وحكاوي said...

ياااااراجل
انت خلتني اسخخ من الضحك
شبه واحد صاحبي
بعد كل العذاب الي انت عذبتهولنا ده

بس جاااااااااااامده جدااااااا