كان يوم خميس
كنت بشتغل فى جورنالين
وكان لازم اسلم الشغل فى اليوم ده
والمكانين بعاد عن بعض موت
ركبت مينى باص ونزلت رمسيس
نزلت رمسيس وركبت الاوتوبيس تانى طبعاً عشان اروح ميدان لبنان
وبعدين انا قاعد فى الكراسى الاخرانية قريب من الكنبة
وطلعت ست صوتها عالى جداً وبتقول حد يسندنى حد يطلعنى ويكفيكو شر المرض
كنت هقوم اساعدها قام شاب تانى ساعدها وسندها وطلعها
وبعد ما طلعت قالت لشاب قاعد ع الكنبة
يكفيك شر المرض يا ابنى رجلى مش قادرة اقف عليها قوم لى اقعد مكانك
فقام الشاب وقعدت الست
وقالت للشاب لو تكمل جميلك بقى ويكفيك شر المرض ...ادفعلى تمن التذكرة
وبعدين انطلق الاوتوبيس
رحت المكان الاول فى المهندسين وطلعت وقدمت الشغل
وبعدين نزلت ركبت الاوتوبيس بسرعة واتجهت للجورنال التانى فى مدينة نصر
تخيلوا المسافة بين المهندسين ومدينة نصر
ويوم خميس
والدنيا زحمة موووووووت والاشارات اللظيظة اللى مش بتعدى اللى كل ساعتين موتوسيكل
المهم الطريق واقف جدا لغاية ما قررت انى انزل الزاوية واركب واروح بيتنا
لان خلاص الوقت بقى متأخر جداً وكان يوم جميل قضيته فى المواصلات
بعد ما نزلت قابلت ست غلبانة اوى
ماسكة شوية فلوس وبتقول يا جماعة ارجوكم ساعدونى انا عاوز نص جنيه بس عشان اقدر
اركب واروح
فمشيت وعدتها وبعدين صعبت عليا اوى فرجعت اديلها خمسين قرش ..المهم تروح بيتها
معززة مكرمة
فكنت ماسك شوية فكة فى ايدى وادتها الخمسين قرش
قالتلى انت معاك فلوس اهو هات الجنيه ده كمان
قلتلها اتفضلى وادتهولها ..قالتلى بس اوعى تكون محتاجه ولا حاجة
ذوق خالص الست دى
قلتلها لا ابدا اتفضلى
وركبت آخر اوتوبيس
فى تاريخ هذا اليوم
وانا متجه الى البيت
وكان الاوتوبيس زحمة اوى
ووقفت ادام الكمسرى
لغاية ما فضى مكان فى الكنبة
وقعدت ع الكنبة
كان ولد قول عنده حوالى 14 سنة قاعد ع الكنبة فى اخرها ونايـــم وانا قاعد جنبه وباقى
الناس قاعدين جنبنا
وكلنا مكبوسين ولزقين فى بعض
المهم فاضل محطة او اتنين على والاوتوبيس يدخل الموقف
اللى هنزل فيه
وانا سرحان ومش واخد بالى خالص
وعاوزكوا تركزوا وتتخيلوا اللى هقوله ده
فاضل محطة على اخر الخط
والاوتوبيس شبه فاضى تماماً
والكنبة فاضية طبعاً
والولد اللى قاعد ع الكنبة فى اخرها نايم وانا لازق فيه
فجأة قام راجل من ادام شوية وقام راجع ورا وباصصلى حتة بصا
وباصص للواد اللى انا لازق فيه
قمت انا اخدت بالى وبعدت
قام شاخط فى الواد قال له قوم ياض عشان ننزل
قال له حاضر يابا
وكان شكلى وحش اوى
22 comments:
هههههههههههههههههههه
لا بجد موقف جاااااااااااامد
ههههههههههههه
أحب انا الناس المفتحة دي
لا فعلا بيبقى في ايام كده كلها حاجات غريييييييبة و تعد بقى تفتكر اليوم و متبقاش عارف هو عدى ازاي..
يلا تعيش و تاخد غيرها..:D
هىهىهى
مهو صحيح ايه مخليك تلزق فى الواد
غرضك ايه يا نمس
ههههههههههههههههههه وجامده اوى الست الى ركبت فالأول دى
تعيش صحيح ومتاخدش غيرها
لازم يعنى تطلع كل الفكة اللي معاك اهى خدت الجنيه كله قلى بقى
هتعلموها الطمع بعد كدة مش ه تاخذ اقل من ٥ جنيه
هههههههههههه
تصدق انك ماغلطتش لما قلت علي نفسك شاب فقر (:
أنا مررتلك تاج, ادخل شوفه وحله ياباشا.
ابقى خد بالك بعد كده اللى زى ده كتروا قوى و الناس ما بقتش تفرق
ههههههه
موقف جااااامد
اللي يركب مواصلات ياما يشوف
ومن خرج من داره..
انت خرجت من دارك ليه يا بني ماكنت اعد معزز مكرم
marawita
لا ما انا حرمت اقعد فى الاوتوبيس حتى لو لقيت مكان فاضى
لازم اقعد فى كرسى مستنفرداً
D:
ahmed_h
نمس ايه بس ده انا غلبان يا حاج
ونورت المدونة يا جميل
camera girl
لا الست دى ذوق جداً
يبقى انت اكيد فى مصر
sokomonoce
اعمل ايه بس حظى الحلو
وليا بقى مع الشحاتين مواقف بسه هحكيها
esraa
منورة يا اسراء كعادتك
وشكراً على اول تاج فى حياتى
المدونية المهلبية
khaled
كتروا ايه بس مش
عاوزين قلق فى القعدة
ونورتى يا جميل
اميرة البلطجية
يا حاجة بلطجية
طب اشتغل من بيتنا ازاى
قوليـلى
طب انتى بلطجية وتعمليها
انما انا غلبان
D:
هههههه
فقرى فقرى يعنى
أتوبييييييييس كاااااامل فاضى
وبردة لازق فى الواد
بلاش حجة كنت سرحان دى عشان مكشوفة
ألعب غيرها ياعفريت
أصنع حظك و مجدك بنفسك
الاباصيرى
اختشى يا ولد
ده انا غلباااااااااااااان
D:
بنى آدم مع وقف النفيذ
ايه الكلام الكبير ده
والله كنت سرحان يا حومبى
استر عليا
D:
يا عم الفقرى هو الموقف الاخير بس ؟ ده اليوم كله مواقف ايه يومك ده وانت قعدت اليوم كله فى المشوارين دول؟
ده احنا فى نعمه ومنعرفش مالها بورسعيد مش عارفه انا؟
والنبى يابنى يصلح حالك انا كرهت الاتوبيسات خلاص هههههههههه
ويا فقوره معنتش تقعد جمب حد
حلوة بجد البوست دى
شيماءالجيزى
D:
حلوة فقورة دى
ومش هقعد جنب حد وهفضل واقف
او مش هكب مواصلات
وفعلاً انتوا فى نعمة من حكاية المواصلات والمسافات دى
هههههههههههههههههههههههههههههه
فى الاتوبيس يا راجل هههههههههههههههههههههههههههههههههههههههههههههههههههههههههههههه
Post a Comment