جرس الموبايل بيرن..بيقول ترررن ترررن
حوالى الساعة 2 الضهر
لقيت واحد بيقول الو وبيتكلم بورسعيدى اصيل وتقريباً كده 30 سنة
شدتنى اوى اللهجة
قلت لما اكلمه زى ما بيكلمنى
واليكم الحوار
فتحى موجود
لا فتحى نزل
طب هو معاه العدة
قلتله طبعاً وجايلك على طول
طب بالسلامة
سلام
هيييييييييييييييييييييه نياعاعاععا هاهااهاهاها هوهوهوهو هىهىىهىهىهىهى
اشتغلت واحد يا جدعان وقلت لاخويا ده راجل بورسيعدى كده وانا كلمته بلهجته زى ما سمعتنى والراجل صدقنى
يا سلام عليك يا فقرى يا ابو الفقاقير
اتصل تانى مرة
الو فتحى نزل من امتى؟
لا حضرتك الرقم غلط
ازاى ده انا لسه متصل من شوية ع النمرة دى
لا جايز انت غلطت ولا حاجة
لاموأخذة يا كابتن
لا مفيش حاجة
اتصل تالت مرة ..خلاص بقى مش طالباه
قلت لاخويا ده واحد خنيق رد عليه وقول له ان الرقم غلط
اخويا قال له الرقم غلط وقفل
اتصل رابع مرة
الو
ايوة
يا كابتن انا متأكد انى اتصلت بالرقم ده وواحد قاللى ان فتحى لسه نازل
وانا بقولك مفيش حد هنا اسمه فتحى
هكدب عليه ليه
طب ماشى ماشى تشكر
بعد حوالى ساعتين اتصل خامس مرة
كنت هعيط يا عم كفايا انت هتستلمنى اليوم كله
ايوة
فتحى موجود
قلتلك للمرة الالف مفيش حد هنا اسمه فتحى
طب الموبايل ده بتاع سنترال ولا ايه
لا يا سيدى ده بتاعى انا
طب حقك عليا
سلام
المهم حوالى الساعة 7 بالليل خرجت اقابل واحد صحبى وانا فى الميكروباص
الموبايل بيرن ومشعارف اطلعه طبعاً
وعلى كوبرى مترو كوبرى القبة تحديداً
اتصل للمرة السادسة واول ما رديت قلت
والله العظيم الرقم غلططططططططططططططططط
انا متأسف يا كابتن
بس قول لفتحى انى هجيبه برضه
دى كانت اول مرة احاول اشتغل حد وآخر مرة
:(
78 comments:
لا صحيح فقرى فقرى
اول مره تشتغل فيها حد يحصل كده
كان الله ف عونك ما الدنيا كلها بتشغل بعضيها و مفيش حاجه من دى بتحصل
ربنا يقدرك و تستحمل
هههههههههههههههههههههههههههههههههههههه
بس خالى بالك بعد 10 سنين سوف يحدث الاتى
ترررن ترررن ترررن
الو
فتحى موجود
لالالالالا
بس بابا اتصل على النمرة دى
و قلولو فتحى نزل
انا لما بكون مضايق ادخل هنا اضحك كتييييييييييييييير
ههههههههههههه
ايه ياعم اافقري
حتى كمان فى الاشتغالات فقري
لما يتصل بيك المرة الجاية اقوله فتحى بيسلم عليك وبيقولك النمرة غلط
بس ما قلتلناش فتحي نزل راح فين؟
أرق تحياتي
انت اللى جبته لنفسك متلومش غير نفسك وفتحي طبعا
فكرتني بواحد صاحبي فقري برضه ... كنت بسأله تعمل إيه لو نفسك ألحت عليك تضرب واحد ماشي ف الشارع على قفاه .... قاللي ما أقدرش علشان أنا فقري ممكن أضربه يطلع أبوه ظابط أو وزير ... ومصر كلها تديني على قفايا
بس ما قلتليش ... لما قابلت فتحي بقى عرفته إن الراجل اتصل؟؟؟؟
أنا فتحى حد أتصل بيا
regards
ههههههههههههه
شوفت
كمان تدين تدان
ولكل عملة وجهين
تحياتى
طب مش كنت تشوف حكاية العدة ايه؟
أحسن تلاقى فتحى دا ورطك فى تنظيم ارهابى من غير ما تاخد بالك والدنيا قلق اليومين دول :d
طب فتحي قالي ايه لما حكيت له ؟؟؟؟
لا دا إنت مش طبيعي
إنت فيك حاجة غلط
دا الدنيا كلها نازلة إشتغالات ف بعض
ومحدش واخد باله
وإنت بس عشان حاولت يقوم فتحي هو اللي يشتغلك
بجد بتضحكني
تحياتي
إذن هى الحرب....
بقى كده يا فقرى
بتحاول تشتغل واحد بورسعيدى
شوفت ربنا عمل فيك ايه
عشان بس
متحاولش تقرب ليهم
وخد بالك
نمرتك اداها لكل قرايبه
وهيتصلوا بيك
فى محاوله للبحث عن فتحى
الله يخ...
ولا بلاش
الطيب احسن يا فتحى
ملكش دعوه بالبورسعيديه تانى
مفهوم؟
الا قولى
فتحى نزل
صح؟
من أعمالكم وسلط عليكم
هههههههه
الا فتحي نزل ولا لسه صحيح!!
مهو انت الى جبته لنفسك يعنى ملقيتش الا فتحى يا راجل :D .nice blog and post
مساء الخير,
والنبي سلم ليٌ لي فتحي وقول له انا جي تانى بس اخلَصْ السكشن ده وأجيب العده وحاجى علي طول اصل الطلبه النهارده فقريين موش عايزيين يفهموا الدرس
سلام يافقري
هههههههههههههههههههههه
يخرب بيت الكفرة يا جدع
تانى مرة اادخل من هنا واتهلك من الضحك
ههههههههههههههههههههههههههههههه
شكلك بتقول اللى بنعمله فى الناس بيطلع علينا
ههههههههههههههههههههههههههههه
بطل تشتغل الناس بقى ...طالما انت مش قده...بس كده ااقدر ااقولك انت على اولى الخطوات فى عالم الاشتغالات
خد بالك المدونين في بورسعيد هاينزلوا عليك يقطعوك و تتباع في التجاري حتت
بس انت اخدت موبايل فتحى من امتى دانا لسة مكلمه من سنتين و كان معاه الرقم ده
علي البورسعيدي
احسن .. عشان تحرم
ههههههههههههه...يخرب عقلك..ده أنا كنت فاكر نفسي الفقري الوحيد في البلد دي...ممكن أعرف اسمك بالكامل..أصلي شاكك أن احنا ممكن نطلع قرايب في النهايه..هههه
تحياتي
نيهاهاهاهاهاههاا مش اد الاشتغلات بتشتغلوها لييييييييه ها بيتشتغلوها ليه تستاهل يا برعي بس قولي هو كان كارت ولا خط
عشان تحرم
ههههههه انت مسخره
ههههههههههههههههه
سورى يعنى...
الفقرى لما يشتغل...
:D
:D
شب فقري
انته عارف لو حد عملها معايا
حعمل فيه ايه؟
مش مهم
مدونتك جميله وخفيفه اوي وزي ماقلتلك عندي شكلك انسان مش فقري بس ودمه خفيف كمان
تحياتي
من فتحي
الراجل صعب عليا أوي
أنا أول مرة أحط تعليق في البلوج بتاع حضرتك
بس أصل الموضوع دة دحكني بجد
مشكلة فعلا
بس أهم حاجة إن حضرتك اتعلمت ما تشتغلش حد تاني
كنت عاوزة أستئذن حضرتك بس أحط البلوج بتاع حضرتك في البلوجات الصديقة عندي؟؟؟
بعد التحيه
علشان تتعلم متشتغلش حد بس رجاء ضرورى اعرض نفسك على اقرب دكتور احسن باين عليك انك فقرى اوى
ههههههههههههه
انا بهرج بوست ظريف نتعلم منو منشتغلش حدا بدل ما هو يشتغلنا
:) :)
حصلت قبل كدة معايا اشتغلنا انا وزمايلي في الكورس واحد صعيدي
بس بجد بجد صعب عليا
:)
لكن الصعيدي مرجعش يتصل تاني :)
أسعد الله صباحك كما اسعدت تدوينتك صباحي
ربنا ما يحرمنا من ( فقرك ) يا جميل
3ashe2elro7
لا ما انا حرمت اشتغل حد خلاص
ميرسى لردك ونورتنى
love4u
لا ما انا عملت حسابى وغيرت رقمى
نورتنى يا جميل
D:
عاشقة الوطن
هههههههههه
ما انا خلاص غيرت رقمى واحترم من فتحى وصحبه
IBN BAHYA
حبيب قلبى اللى على طول منور ولاد البلد
ياريتنى كنت اعرف فتحى كان زمانى خلصت من الراجل ده
نورتنى يا حومبى
مروة عوض
ما اخدش منكوا كلكوا الا لماضة
يعنى ادعى عليكو تقعوا فى ايد الراجل بتاع فتحى ده
P:
sakayar
ههههههههههههه
لا قول لصحبك ان البلد كلها مهمة فعلاً
وبالنسبة لفتحى
كان يوم اسود لما سمعت اسمه
yousef
لا يخويا انت يوسف
وانا ناقص كمان فتحى يطلعلى هنا
انت مش عارف ان عيب انك تشتغل الناس.
أديك جيت تشتغل الراجل, قمت اشتغلت نفسك, وينفع كده, ده انت عملت مشكله لفتحي.
يالا سلام
أما لو الراجل ده فتح مدونتك وعرف انك بتشتغله .. اكيد هيبعتلك فتحي
اللي حصل ده أكتر حاجة ممكن اطبقها عالمثل اللي بيقول : الكدب ملوش رجلين .. تليفون وايدين بس
ههههههههه بجد عسسسسسسسسسسسل
ههههههههههههههههههههههههههههه
عشان تحرم تشتغل حد تانى
تستاهل
يا ابنى هى من الاول اشتغالة
حد قالكوا اعملوا فيها جدعان
طب اعملوا
جدعون
ههههههههههههههههه
جامدة موووووووووت يا فتحي قصدي يا مودي
فقري فقري يعني هههههههههه
سوسو كعب الغزال
اه ههههههه
مرة واحد تبت فضل يكلمني ومصر على إني الحاج أحمد، كلمته بالزوق كزا مرة لحد ما زهقت فقلتله: أيوة ياعم أنا الحاج أحمد ، عايز ايه يا عرس؟
tamer
نورتى يا جميل
بس انا خلاص حرمت
D:
walaaz
لا ارهابي ميييييين
دول فى البتنجان
نورتنى يا جميل
وعلى العموم يا جدعان اتا حرمت اشتغل حد
مش مصدقين ليه بس
D:
كراكيب نهى محمود
ياريتنى كنت طولت رقبة فتحى ده
نورتينى
D:
The Alien
شوفت بقى
الدنيا كلها نازلة اشتغالات
بس عشان انا غلبان يعملوا فيا كده
:(
شيماء الجيزى
يا فرحتكو يا بورسعيدية فيا
بس تحسبلى نقطة انى اشتغلت الراجل مرة
P:
Rivendell
ياااااااه كلكو قلبكو اسود كده
ما قلنا تبنا
ومش هفكر اشتغل حد تانى
D:
shayma
ما انا خلاص حرمت بقى
D:
thanx
Comment deleted
ليه تمسح الكومنت يا جدع انت
انا مخاصمك
D:
هههههههههههههه
انت اللى جبت ده كله لنفسك
Iskanderani
هسلملك عليه يا جميل
بس لما الاقيه الاول
P:
safa7_karmooz
نورتنى يا جميل والحمدلله ان البوست عجبك
بس اولى خطوات الاشتغالات ايه
انا توووووووبت خلاصصصصص
علي الألفي
ههههههههه ماشى يا عم عشان انت بورسعيدى بس هفوتهالك
P:
بنى أدم مع وقف التنفيذ
شكراً يا حاج تهامى ماشى ماشى
تتردلك فى الافرح
P:
micheal
نورتنى يا معلم
اسمى شاب فقرى
P:
copa
لا يا حومبى هو شكله كان كارت
وبعدين ما انا قلت انى حرمت
بطلوا شماتة بقى
D:
LAMIA MAHMOUD
حرمت خلاص
مع ان شكلكوا كلكوا بتحصل ليكو نفس المواقف
بس مخبيين
P:
نبيذ
الحمدلله ان البوست عجبك
ونورنى
4 ever
تخاريف
ايوة قدرى بقى اعمل ايه
D:
مجهول
ميرسى لذوقك نورتنى
يا حاج فتحى
D:
WhiSpeR
نورتينى يا فندم بتعليقك وانا اتعلمت خلاص
وشرف ليا اكيد ان حضرتك تضيفى لينك مدونتى عندك
محمد العنانى
شكرا يا عنانى لردك
والحمدلله ان البوست عجبك
FloNa
ميرسى لردك
بس ابعدى عن الصعايدة
دول قرايبى
P:
شادي أحمد
ميرسى يا حومبى
وانت اللى اسعدتنى بردك ده
esraa
ما انا قلت انى حرمت ياجدعان
وبعدين مشكلة ايه ا للى عملتها لفتحى
ده هو نفسه مشكلة
shams
ايوةةةةةةة تليفون وايدين وفتحى باشا
بس ما اعتقدش ان شلة الانس دى ليها فى النت عشان يشوفوا موضوعى ده
بس انا الحمدلله حرمت
اوعى بقى تحاولى تشتغلى حد
P:
دعاء عادل
يا شماتة ابلة ظاظا فيا
كلكوا شمتانين
قال يعنى ما حاولوش يشتغلوا حد وفشلوا
اعترفى
P:
khaled
ولا جدعون ولا جدعين
انا حرمت يا باشا
كعب الغزال
ههههههههههههههههههه
ديناصورررررر
باشا
حظك فقر انت كمان يا جميل
بس ما تشتموش يا جدع
:)
sharm
اااااااااااااه ده كان يوم
اسود يوم ما حاولت اشتغل الراجل ده وفتحى بتاعى
يلا اهو اتعلمنا حاجة
D:
طيب عموما لم تشوف فتحي تقوله ييجي بسرعه
الدبور
لأ...مش هقول له بقى
P:
ههههههههههههههه أول مرة ادخل على البلوجر ده بس عجبني جداااااا وبصراحة تستاهل عشان مش تشتغل لحد تاني
شيرين
طب الحمدلله ان البوست عجبك
وانا حرمت طبعاً اشتغل حد
D:
نورينى
4ever ba2a
هههههههههههههههههههههههههههه
اظاهر فتحى ده مطلع عين الراجل ..
مصيبة لتكون انت فتحى و متنكر فى مودى يا مودى هههههههههههههههههه
ههههههههههههههههه
ماتحرمش ماتحرمش
بس تستاهل
هههههههههههههههههه
هههههههههههههههههه
هههههههههههههههه
Post a Comment