the lost princessعدد 2 تاج وصلحه من
هل كنت طالب شاطر فى المدرسة ؟
نُص نُص
ايه كانت احب مادة و اكره مادة ليك فى المدرسة والكليه ؟
حسب المدرس ...يعنى حبيت الفرنساوى اوى
وكنت بكره الاحياء اوى
وفى الجامعة عادى بقى كل المواد شبه بعضها
وتلاقى حاجة فى موجودة فى المحاسبة الاقيها فى الادارة والاقيها فى الاقتصاد....أى عك
كنت عايز تطلع ايه وأنت صغير ؟
كارتون - مسلسلات - اى برامج اطفال تلاقى العيال عاوزين يبقوا دكاترة
وبيومى يبقى دكتور وزعتر مهندس وحلمبوحة بكرة يبقى ظابط وماما تدعيلهم
واهلى والمجتمع كله...يقول لك ظابط ولا مهندس ولا دكتوووووور
خلاص يبقى انا نفسى ابقى دكتور او مهندس هييييييييييييييه
ادخل علمى علوم عشان اكون دكتور..بس مش بحب الاحياء
خلاص ادخل علمى رياضة عشان تبقى مهندس
وماله دخلنا علمى رياضة- ومجموعى ما جابش هندسة
وقعدت اعيط.. مشعارف على مجموعى ولا عشان ما حصلتش هندسة
فى الحالتين ما كنتش عارف انا عاوز ايه
ماشى وخلاص يحرق ده نظام عاوزين الناس كلها تفضل ماشية ولا عارفين اى حاجة
زى ما انا دلوقتى فى اخر سنة فى الكلية ومش فاهم حاجة لا انا ولا غيرى
والشغل حاجة والدراسة حاجة.....يبقى بجد حرام نسميه تعليـم
______________
هل تسعد عندما يمرر لك أحدهم تاجا؟
شووووووووووووووور..اهو الناس بتعرف الواحد اكتر وحاجة لظيظة
هل مقدار سعادتك أو شعورك أيا كان - عند تمرير التاج لك يختلف حسب المدون الذي يمرر لك التاج؟
مفيش حد هيمرر لحد تاج الا وهو بيحبه...أو على الاقل الانسان ده مقبول عند اللى مررله التاج...فده شيء يفرحنى شووووووور
هل تستمتع عند إجابتك عن أسئلة التاج؟
شوووووووووووور
هل ترى للتاج أهمية حقيقية ؟
شوووووور ..بيقربنا من بعض اكتر وكده يعنى
هل فكرت في عمل تاج خاص لك من قبل؟
وربنا يسهل ouiiiiiiiiiiiiiiiiiiii
هل تفضل قراءة أجوبة التاج عند المدونين الآخرين ؟ أم لا تهتم سوى بالتدوينات الأخرى فقط؟
بهتم طبعاً بقراءتها حتى اعرف تفكير الأخرين وحياتهم وشخصيتهم
عندما ترد على التاج ما الذي تراعيه أكثر؟
براعى ضميرى
إلى من تحرص على تمرير التاج؟
لحبايبى الامامير اللظاظ ..ماى لافلى
هل تحرص على قراءة اجابات من تمرر لهم التاج ؟ و هل تغير إجابتهم للتاج شيئا في ادراكك لهم ؟
ايوة بحرص ..لع عادى ...من اسلوب كتابتهم وتعليقاتهم أستطيع تحديد شخصيتهم العسولة اللظيظة الطيوبة
هل تلتزم حرفيا بأسئلة التاج ؟
التزم حرفياً والتزم لغوياً والتزم نحوياً والتزم تنوينياً ..اموت واعرف مين اللى كتب التاج ده
ما هي نوعية التاجات التي تفضلها ؟
افضل التاجات ذات الابعاد الثلاثية التى تحرص دائماً على ثبات الامة
وعدم الاكتراث للفتن الطائفية
صبرنى يارب واعرف مين اللى لطع التاج ده ..هجيبه
الحكمه الشهيره بتقول ايه؟
قول انت بقىىىىىىىىى
انى ادبس الناس فى التاج...المشكلة بحس ان التاجات احياناً تقيلة على هارتهم
بس لو مش عاوزين تجاوبوه ....از يو لايك
ضربة شمس
واحد من الناس
اميرة البلطجية
Memo
32 comments:
شاب فقري
ايه ياعم الاجابات التحفة ديه
بجدة والله اجاباتك كلها تماتم اوى وجميلة فعلا
وبعدين اكتر حاجة عجبانى ان فعلا اللى بنتعلمه حاجة والشغل اللى المفروض هنشتغله حاجة تانية
واحنا اص من الاخر كده مش مستفيدين حاجة من اللى بنتعلمه
وتمام اوى كده
كويس انك بتحب التيجان
عشان نبقي ندبسك
سلامو عليكو
انا كمان مررت لك تاج عندي
ابقى عدي
مبروك علي الاجابات
ايوه كده حلوه بقي, عشان أحل اللي عليا وامررهولكم (((:
السلام عليكم ور حمة الله
انا اول مره ادخل هنا عند حضرتك
بس بجد .. جاااااااااااااااااااامد
حتى اجابات التاج .. تحفه
استمر
اجابات لذيذة ... يا فقري
افضل التاجات ذات الابعاد الثلاثية التى تحرص دائماً على ثبات الامة
وعدم الاكتراث للفتن الطائفية؟؟؟ هههههههه بجد بلاقي ضحكتي هون اجابات تحفه لازم على معناه ندعم التاجات و التتيج منعا للفتن و ياريت تبعتولنا ع غزة 5 تاجات و عنه 4 تاجات يعني الواحد يضمن انه في تاجات حامية للفتن
دمت بسلام
ازيك يا ريس انا قلت بس اسلم
بس كنا عايزين تصميم للتاجات الثلاثية دى ويا ترى ليها صوت ولا لأ وشكلها عامل ازاى ؟؟؟؟؟
دايماً كده رافع معنوياتي وفاكرني علطول
حااااضر هجاوب التاج التاني بس عشان انا جاوبت الأولاني قبل كده
أحلى حاجة بقى ان انت قلت حرام نسميه تعليم بجد
ملحوظة كبيرة :: دمك عسسسسسسسسسل
سلام يا باشا
tab you are tagged
at http ://mafrosa.blogspot.com
thanks for you wor, is very nice, and have a good week
يتلقّى [أبتريغدو] لعملك وأسبوع جيّدة
http://www.ikhwanonline.com/Article.asp?ID=27672&LevelID=1&SectionID=107
اسمك هنا يا معلم
عاشقة الوطن
ميرسى لردك يا عاشقة الوطن
وابعتيلى بتنجان كتيـر
D:
Islamist Bloke
ما انا شوفته يا جميل وهجاوبه
بس قلت بين كل تاج وتاج
اكتب موضوع
esraa
الله يبارك فيكى وعقبال عندك
DR_NIGHTWING
ربنا يخليك يا دكترة كلك ذوق
Ahmed AL-Hussany
نورتنى يا ابو حميدوميرسى لذوقك
bentfalestine
شكراً لردك
بس من رأيي مفيش فتنة فى فلسطين
فى عملاء هما اللى خربوها ربنا يهديهم
الدبور
يا حومبى انت تسلم وتعدى وتمسى وتنور
بس قوللى
هو انت بتاع برنامج شبابيك؟
امام الجيل
مالهاش صوت ولا حس
بس المساحة على مربع الطول يديك الشكل
shams
نورتينى كعادتك يا شمس انتى وانجلينا
D:
اما عن التعليم فطبعاً حرام نسميه تعليم
وبضحك اوى اوى اوى
لما يقولوا احنا بنطور التعليم
والاسكتشات الحلوة اللى بتتقال دى
memo
انتى دوختينا وراكى فى المدونات
ارسيلك على بر
والف شكر على التاج مع انه غير مترجم ولا مدبلج
:(
david santos
merci beaucoup
كراكيب عادل
الف شكر يا جميل
بس ياريتنى بعت رد اوضح واعمق من كده فى الموضوع
:(
موقع الاخوان
شكلى هتشد
D:
ههههههههههه
حتي انت ايها الشاب مش سلمت من التاجات
ارحمنا يارب
بس ايه يا ابني الاجابات الجامدة دي
أنا أخدت لفة فى المدونة بتاعتك الجميلة وفيه تاج كان فيه سؤال ايه أحلى بوست، انت رديت بوست واحد صاحبى فى خده هههههههه أنا بجد ضحكت قوى منها الكلمة ده لأنها كانت فجاة وماكنت ش متقوعه، وبعد كده عرفت من تاج تانى انك فى تجارة عين شمس يبقى مش واحد يا فقرى الى انت بستها تبقى واحدة ههههههههه
وعلى فكرة أنا برده فى تجارة عين شمس آخر سنة برده،
ejymejy@yahoo.com
www.hapasa.blogspot.com
ابقى طل عليا كده يمكن نكون شفنا بعض ولا حاجة، وأول مرة أعرف ان فى تجارة عين شمس ناس تقال عندهم عقل ومش زي الهوا الفاضى الفارغ
آسف على الإطالة بس اعجبت بالمدونة أوى، واتبسط قوى كمان لما عرفت انك فى تجارة عين شمس، ياريت التواصل، لأنى عندى مكتبة أخويا هناك عن باب حقوق، سوق الزعفران ، ألف سلامة
ميرسي جدا يا شب
والتاج اتجاوب يا عم من مدة
تحياتشي
smraa alnil
الف شكر يا معلمة
ده انا لسه عندى تاجين ما جاوبتهمش
hapasa
نورتنى يا جميل وكلك ذوق
وهبقى اطل عليك اكيد
اميرة البلطجية
اوكيز انا جاىىىىىىىىى
معلش الكمبيوتر كان بيستهبل بقاله كام يوم
أنا كمان مرررتلك تاجات ((:
Post a Comment