Tuesday, 20 March 2007

عودة زمن الاشرار



معلش انى اتأخرت فى البوست الجديد اللى مش حلو اوى
واستنوا مدونتى الجديدة
كاراكشنجى
___________________________________

كان يوم خميس
حوالى الساعة 10 ونص مساءً
فى رمسيس
والاوتوبيسات يوم الخميس بتخلّص بدرى
والناس واقفة ع المحطة زى اللى واقفين فى الصحراء
مفيش أى اوتوبيسات ولا جمال حتى
والناس واقفة هلكانة عاوزة ترجع تنام تعبانين م الشغل
بلوا الشفااااااااايف
واخيراً بصوا بصوا شايفين اللى جاى هناك ده
اوتوبيس جاىىىىىىى ياااااااااه كله يرمى نفسه ادامه
وركبنا الاوتوبيس اخيراً
ومع اول محطة وقف فيها الاوتوبيس
فجأة قفل الكمسرى الباب وقال للسواق
اطلع بســـــــــــــــــــــــــــــــــــــــــــــــــــــــــــــــــــــــرعة
والناس عمالة تجرى ورا الاوتوبيس وتقول يا كمسرى افتح البااااااااااب
............افتحوا الباب يا ولالالالالالاد ال
وحسيت انى مخطوف وهيضحكوا ضحكة اشرار نياعاعاعاااعاعاعاعااعاعاعا
لكنى ظلمت الكمسرى
وعرفت السبب العجيب والغريب اللى يخليه يقفل الباب بعد ما السواق وقف فى المحطة
!!وهو ان التذاكر خلصت

37 comments:

love4u said...

انا لو كنت دخلت مالاقيتش بوست النهارده كنت حرتكب جنايا


ثنيا بوست ميه ميه بس ياترى اكمسرى كان معاه اد ايه و قلوس التذاكر بتروح فين

The Alien said...

إلا هو الكمسري ركب ناس علي قد التذاكر اللي معاه ؟؟؟؟

ضحكتني وأنا نفسي أضحك
مدونتك لذيذة
تحياتي

yousef said...

كويس ان التذاكر اللى خلصت مش البنزين والا كنت هتشرّف فى الشارع تانى
regards

Mohamed A. Ghaffar said...

جد ه ولا هزار

shabfa2re said...

love4u
لا يا جميل بدون جنايا ولا حاجة
والله مشعارف الكمسرى كان معاه كام

shabfa2re said...

the alien
شوفت بقى الكمسرى مرزق
خلص ورقه
فكرنى بأيام اللوترية

shabfa2re said...

yousef
لا الحمدلله ان فى بنزين
بس صعبانين عليا اوى الناس اللى معرفوش يركبوا

shabfa2re said...

Mohamed A. Ghaffar
لا والله بجد
التذاكر خلصت فعلاً
عشان كده قفل الباب
D:

شيماء الجيزى said...

أيه يا عم الفقرى فينك؟ عيب والله تتاخر علينا كده

وهى التذاكر الى بتفرق يا جدع
يسيب الناس وسط الصحرا كده
لا جمل ولا حنطور (درجن درجن )ولا اى حاجه

بوست جميل جدا
متتاخرش تانى
مفهوم؟

khaled said...

اخيرا
بوست جديد
انا افتكرته بوست راسه
ههههههههههههههههههه

3ashe2elro7 said...

انا حاسس انك ظالم نفسك بالاسم بتاع شاب فقرى ده لانك باللى حصل ده مش فقرى خالص
على الاقل ركبت الاتوبيس و مكنتش مع الناس اللى بتلعن الكمسرى و السواق
اضحك كركر و مبروووك على المدونه الجديده

الأباصيرى said...

طيب دة أنت كدة فل خالص.. ركبت الأتوبيس ومدفعتش فلوس

أمال أنا اللى مركبتش ودفعت الفلوس
أبقى عدى عليا شوف الجديد وأنت تعرف مين فينا اللى فقرى

mesh2dra said...

السلام عليكم

يا سيدي كويس انك ركبت
انت حتقولي على وقفة رمسيس
:S

ومبروك مدونتك الجديدة

esraa said...

التذاكر خلصت.
شفت ظلمت السواق والكمسري ازاي, وحسبتهم خطفوك, وكانو هيطلبو فديه بقي, واحنا نلملك, والمبلغ مايكملش, ونعمل اعلانات تبرع في التلفزيون, اتبرعو عشان ننقذ محمود ((:

كراكيب عادل said...

هو الكمسري كان عمرة كام

واية لون القميص الي لابسة ؟؟

يمكن فعلا كانوا هيخطفوك ورجعوا في كلامهم

ههههههههههههههههه

الظلم وحش

shabfa2re said...

شيماء الجيزى
ميرسى لزيارتك
وان شاء الله مش هتأخر تانى

shabfa2re said...

khaled
لا يا حومبى انا ما بوستش حد عشان حاطط زبدة كاكاو
نورتى يا كبير

shabfa2re said...

3ashe2elro7
ما انا شكلى نحست الاوتوبيس
وبعدين شكلك هتخلينى اعمل موضوع
اشرح فيه معنى
فقرى

shabfa2re said...

الأباصيرى
ما دفعتش ايه بس
دفعت طبعاً
يدوبك لحقتلى اخر تذكرة
وحفظت رقمها يمكن اكسب
منورنى يا حومبى

shabfa2re said...

mesh2dra
نورتينى وميرسى لذوقك

shabfa2re said...

esraa
منورانى كالعادة
هييييييه انتى مش اول كومنت
D:
والحدلله انى نجوت
بس صعب عليا الناس اللى واقفة فى البرد بالليل او ىكده
وما صدقوا لقوا مواصلة

shabfa2re said...

كراكيب عادل
انت شكلك كنت راكب معايا

Sokomonoce said...

مش بقولك انت فقرى يعنى كان لازم تستنى فى المحطة دى؟
كنت رحت ركبت من اى حته تلنيج حرام عليك الناس

بس ازاى التذاكر تخلص واحنا فين هنا؟
انا اعرف ان الاتوبيس فى الوقت دة بالذات بيركب الناس من غير تذاكر خالص يعنى تدفع ثمن التذكرة وبعدين الكمسرى بيبعتهالك فى البوستة
اشمعنى المرة دى؟

esraa said...

يعني انا مردتش أعيط عشاني مش أول كومنت.
انت يعني مصر تعيطني ):

sosa said...

السلام عليكم ورحمة الله وبركاته
انا باحثة واقوم ببحث عن المدونات وحرية الراى
واتمنى تفاعلكم معى من اجل الوصول الى بعض القواعد والقوانين التى تساعد المدونين على نشر ارائهم بكل حرية
وبقيود دينية اخلاقية تمهد وتنير وصول الكتابات الحرة الجيده مباشرة الى المسئولين والى قلوب الناس
اتمنى مساعدتى فى ملأ استبيان به بعض الاسئلة الخفيفة
وانتظر ردكم بالموافقة على معاونتى على المدونة الخاصة بى
http://crazy-sosa.blogspot.com/
او على الايميل
sosa_444@yahoo.com
ارجو تفاعلكم والاهتمام بالامر لجديته واهميته الشديدة
سارة الاسكافى

Anonymous said...

هيخطفوك يا مودي هههههههه
ادي دقني لو طلبوا فدية .. دي هتبقى خدمة كده لله و للوطن يا مودي يا ضنايا



شوية جد بقى ... والله اسفاف اللي حصل ده يعني ايه معاهمش تذاكر ؟؟ الناس اللي وفقت تستنى في الشمس و القرف ده دي ذنبها ايه لحد دلوقتي انهم مش فاهمين الاوتوبيس سابهم و مشي ليه ؟؟؟


يللا ..


سوسو كعب الغزال

الدبور said...

تصدق حلوة يا فقري
طلعت محظوظ اهو ومش فقري يعني زي اسمك
و الكمسري ودي التذاكر كلها فين خلصت ؟
و لا باعها سوق سودا

تحياتي
الدبور

bentfalestine said...

هههههههه يعني لو في تذاكر و مفيش مكان كان حيطلعهم عادي ؟؟
تحياتي لك خيي بجد كنت بحالة تكشيره لا توصف بس ضحكتني بجد
تحياتي و معلش حتطفل عليك كتير

shabfa2re said...

sokomonoce
لا تسألنى من انا
ترتيبات القدر
وما تسألش التذاكر راحت فين

shabfa2re said...

esraa
لا ما تعيطيش
ما جتش على مرة
D:

shabfa2re said...

sosa
شكراً ليكى
وان شاء الله هحاول اساعدك

shabfa2re said...

سوسو كعب الغزال يا متحنى
ليه يعنى
حبايبى كتير وهيدفعولى فدية
اما عن التذاكر
فعادى بقى احنا فى مصر المحروسة

shabfa2re said...

الدبور
صضقنى يا عزيزى
لست ادرى التذاكر راحت فين
المهم ان الناس اتسوحت وسحفت ورا الاوتوبيس

shabfa2re said...

bentfalestine
معلش اى حاجة فى مصر بقت متوقعة
ما بقيناش نستغرب
وطبعاً تنورى المدونة فى اى وقت
:)

shams said...

خلاص بعد كده كل واحد يجيب تذكرته معاه قبل ما يركب .. امال مش هنروح ولا ايه ؟
بس أحلى حاجة انك عرفت تركب والا مكنتش هتعرف ان الحركات دي ممكن تحصل في الأتوبيسات وتعمل حسابك تجيب معاك تذكرتك .. انا هفتكر البوست بتاعك ده لما اشوف الأتوبيسات بتقفل بابها وتمشي هقول في نفسي .. أكيد معندهاش تذاكر

shabfa2re said...

shams
يبقى انتى اكيد فى مصر يا معلمة شمس
:(
اعجب سبب فى حياتى اشوفه والناس صعبت عليا مووووووووت
منورانى
4 everrrrrrrrrr
D:

Anonymous said...

福~
「朵
語‧,最一件事,就。好,你西...............................................................................................................................-...相互
,以讓>它使...................