Monday, 8 December 2008

هابى عيد - نكت لظيظة


واحد صعيدى ماشى فى الشارع لقى كنز ...قالك كويس ناقص الخريطة بقى


حيوان جديد جداً؟ القنفد عشان لسه بشوكه

طيارة خبطت فى عمارة يبقى الاتنين ايه؟ اجازة الحلاقين

الحيوان اللى على طول مشغول - الخرتيت تيت تيت تييت

واحدفاتح محل سمك ابنه مات فقال : كان لسة صاحى وبيلعب

مرة واحد كل لما يعدى من شارع يشوف واحد بيشرب سيجارتين
فسأله : ليه كل لما اعدى من هنا اشوفك بتشرب سيجارتين؟
قال له: اصل انا كان ليه واحد صاحبى متعودين نشرب سجاير هنا وصاحبى ده سافر فأنا بشربلى وبشربله
بعدها بفترة صاحبنا ده عدا شافه بيشرب سجارة واحده فقاله انت بتشرب سيجارة واحده ليه؟
قال له: اصل انا بطلت سجاير

التلميذ : بحبك يا أبله و عاوز أتجوزك
المدرسه: بس أنا مبحبش الأولاد الصغيرين
التلميذ: وأنا مش مستعجل على الأولاد

مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض
وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة

35 comments:

Unique Gurl said...

هههههههههههه
حلوة اوي دي
طيارة خبطت فى عمارة يبقى الاتنين ايه؟ اجازة الحلاقين
ههههههههههههههههههههههههه
والله مسخرة
كل سنة وانت طيب و بالصحة والسلامة :):)

mona@asr elgnoon said...

هههههههههههههههه

حلوه جدا

كل سنه وحضرتك طيب

حزينه said...

هههههههه
والله انت عسل

حزينه

samamasr said...

عيد سعيد بإذن الله

maha zein said...

ههههههههههههههههههههه
يخرب بيت الدماغ
اولا كل سنة وانت طيب
ثانيا احلى واحدة بتاعت انا مش مستعجل علي الاولاد
وبتاعت الهمة يا رجاله

عندي واحدة بردو غتيتة اوي وتضحك
واحد رخم اتجوز واحدة اتمة خلفوا عيل عامل فيهاميت
هههههههههههههههههه
رخامة

اقصوصه said...

كل عام وانتم بخير

dr.lecter said...

انت فقري بجد يخرب عقلك

shabfa2re said...

Unique Gurl
وانتى طيبة وبسعادة دايما
:D
نورتينى

shabfa2re said...

mona@ asr elgnoon
وحضرتك طيبة والحمدلله انها عجبتك

shabfa2re said...

حزينة
ميرسى ربنا يخليكى منورانى

shabfa2re said...

samamasr
وانتى طيبة وبخير يا ايمان

shabfa2re said...

maha zein
اولا وانتى طيبة وبسعادة دايما
ثانيا وده الاهم
دى اخر مرة اسمع منك فيها نكتة
:D
بس تصدقى حلوة :D

Sarah el eskafy said...

قديمة موووووووووووووووووووووووت
:p

shabfa2re said...

اقصوصة
وانتى بخير يا اقصوصة وسعادة

shabfa2re said...

dr.lecter
دكترة منورنى يا حومبى وكل سنة وانت طيب

shabfa2re said...

Sarah el eskafy
سارة النسكافيه
النكت جديدة وبطلى اوشاعات ضفينة بدل ما اقفل لك مدونتك وع العموم
am still single :$

حد مش فاهم حاجه said...

هابي عيد عليك يا مان ومتشكرين علي النكت وخد دي
كان فيه قريه في الصعيد فيه حفره كبيره وكل شويه واحد يقع فيها ..واحد يموت والتاني يتعور وكده
فجابو اذكي تلاته علشان يحلو المشكله دي
الاول
قال احنانجيب عربية اسعاف جنب الحفره عشان اللي يقع نلحقه علي طول
التاني
قال لا احنا احسن نبني مستشفي جنب الحفره علي شان لسه هنستني الاسعاف لما توصل المستشفي يكون المصاب مات
الثالث
قال لا دا حل مكلف احنا احسن نردم الحفره دي ونحفر واحده جنب المستشفي علي طول

Bongo said...

هههههههههههههههه

كل سنة و الخروف طيب :P

Founoon said...

هههههههههههههههههههههههههههههههه

ضحكتني بجد

كل سنة وانت طيب

موناليزا said...

:)عيدية جميلة بجد
كل سنة وانت طيب

shabfa2re said...

حد مش فاهم حاجة
نورتنى يا جميل وشكراًع النكتة الجامدة

shabfa2re said...

bongo
وانتى طيوبة يا بونجو وسلامى ليوكى
نورتينى

shabfa2re said...

Founoon
فنووووووووووونة
كل سنة وانتى طيبة ونورتينى
يسعدنى انى ضحكتك يا عسولة

shabfa2re said...

موناليزا
ميرسى يا موناليزا وانتى طيبة والحمدلله ان العيدية عجبتك

MaNoOoSh said...

ازيك يافقرى
نكت رخمة صحيح بس بتضحكنى بردو
كل سنة وانت طيب
وعلى فكرة انا قريت كل البوستات اللى عندك
وانت فعلا فقرى جامد يعنى
وكنت هموت من الضحك على البوتجاز بتاع بيت الطلبة
اسلوبك جميل وموضوعاتك حلوة

م/ الحسيني لزومي said...

غزة تحترق..غزة تباد
عجزة الأنظمة علي إنقاذها
أو تواطئوا علي إبادتها
من أجل سلطانهم الزائل
نحن ماذا نقدم حتي لو كنا مكبلين بالحديد والنار
شاركنا مقترحاتك العملية لنا كشعب من أجل
نصرة إخواننا الذي سوف نسأل عنهم
أمام الله وأمام التاريخ وأمام الإنسانية جمعاء
نتلقي اقتراحاتكم علي مدونة مواطنون ضد الشعب
www.moatnondedelsh3ab.blogspot.com

micheal said...

هههههههههههههههههههههههههههههههه..مسخرة يا فقري يا أخويا
:)
تحياتي

الشنكوتي الكبير said...

جامده قوي

سلاااااااااااااااااااااااام
بس انت مختفي فين

Anonymous said...

اول مره ازورك وبجد ضحكت فى زمن مش لاقيين فيه ولا ضحكه صغيره
على فكره الضحكه بتساعدنا على استحمال العالم

م/ الحسيني لزومي said...

اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها

shabfa2re said...

MaNoOoSh
ميرسى يا منوش منورانى
وشكرا موت لذوقك واستنى الجديد

shabfa2re said...

michael
حبيب هارتى اللى على طول منورنى
ميرسى يا جميل

shabfa2re said...

الشنكوتى الكبير
الف شكر يا شنكوتى يا كبير
انا هنا واستنى الجديد يا جميل

shabfa2re said...

Anonymous
ميرسى اوى لذوقك بجد كلامك ده شجعنى جدا

احمد سعيد said...

بجد بجد بجد

فقرى