Thursday 20 March 2008

Ta X i


فى ليلة شتاء باردة برد فظييييييييع مريييييييييع سقيييييييييييع

الجو تلللللللللللج

الامطار مشخلعة الشوارع

وانا نويت الشتا ده انى البس لبس خفيف قلت عشان استمتع بالشتا

المهم طبعا بردت اوى وجالى مغص م البرد

والساعة 12 بالليل

قلت لما اركب تاكسى

وان الواحد يلاقى تاكسى فى الزمان ده معجزة

وده كله بسبب الدولار

المهم لقيت تاكسى انتيكة وابن حلال جاى بيتمطّع وبيتدلع

السواق بطـــــــــــــــــــــــــــــــــــــــــــــــــــــــيء

الازاز ما بيتقفلش والجو تـــــــــــــــــــــلج

وفى نص الطريق

لقيت العربية وقفت

لقيت السواق بيقوللى

انا اسف اوى

لا يا حاج ولا يهمك بس انا بصراحة مفيّاش حيل انى ازؤ

لا يا ابنى انا متأسف

طب ننزل نزؤ سوا

لا يا ابنى متأسف معلش

طب نستنى حد ييجى يزؤنا

لا يا ابنى انا آسف

فى ايه يا حاج

يا ابنى العربية مش عطلانة ولا حاجة ده انا اللى وقفت

طب ووقفت ليه؟

ورد عليا الرد المفحم

الرد الامثل

الرد الاعظم

وقال

انا اسف معلش
ممكن تنزل لانى مش هقدر اكمل الطريق لان ميعاد نومى جه

قلتله انا اسف يا حاج

69 comments:

Anonymous said...

هههههههههههههههه .. معلش بقا قليل البخت يلاقي التاكسي نام في السكة

المـــفـــــــقــــــــوعـــــة مــرارتـهــا said...

بجد اللي حصل ده ؟؟؟؟
وأكيد نزلت ماهو لومشي بالعافية هايناممنك في السكة

رئـــــيسـة حزب الأحلام said...

السلام عليكم سواقين اخر زمن

ابو العربى said...

هههههههههههههههههه
طيب كنت وصلته انت وطمنت عليه لحد ما ينام

تحياتى

Semsema28 said...

هههههههههههههههههههههه

ده سواق عسل والله

كويس اوى انك قالك بدل ما ينام ف السكة ويعمل بيك حادثه

هههههههههههه

^-^ LoNeLy ^-^ said...

هههههههههههههههههههههههههههههههههههههههههه

ده سواق ابن 60 تييييييييييييت اومال هوه تاكسجى على ايه مش شغلته كده ؟!

عالم فقيعة والله اوووووووووومليت

media said...

ههههههههههه
معلش سواقين اخر زمن
والله السواقين حرقوا دمنا

media said...

ههههههههههه
معلش سواقين اخر زمن
والله السواقين حرقوا دمنا

خمسة فضفضة said...

السلام عليكم ورحمة الله وبركاته

هههههههه

الفقري طول عمره هايفضل فقري


معلش سامحني القافية حكمت

:-)

Unknown said...

هههههههههههههههههه

لأ بجد مش ممكن

Anonymous said...

اكيد في سوء تفاهم

يا أما هو بيستعبط يا بيستعبط

بس الأكيد

أنه بيتسعبط

بووووووووست جامد

تحياتي يا فقري

micheal said...

أحلام سعيده يا فقري
هههههههههههههه
تحياتي

Anonymous said...

كنت قلة انا اسف يا حاج مش نازل
هههههههههههههه
طب كنت تروح معاة واكيد بيتة ادفى من عربيتة عموما ماقلتش روحت ازاى

وربنا يشفيك من البرد طبعا

وبالمناسبة اية رايك فى الاستنضاد !!!!!

نوري said...

هههههههههه
مهو انت الي ركبت في وقت غلط
عارف لو كنت بدرت شويه
كنت لحقت الراجل


انا في اول زياره ليا
احب ابدي اعجابي الشديد
بالمدونه دي
بجد بجد بلوج سكر خالص

يلا بقي(بست وشز فور يو)0

Ehab said...

هههههههههههههههههه

ولو اني بتخنق ساعات من ههههههههه دي
بس اهي الطريقه الوحيده لتوصيل فكرة ان كلامك فطسني من الضحك
وللأسف مفيش انواع منها محدده علشان الواحد يخلي هههههههههه للتريقه
وواحده للأبتسامه
وواحده بمعنى انك اتفاجأت من النهايه الفقريه بجد

بس عموما يعني مدونتك كلها تجنن اكيد انا جيت هنا زمان بس انا ناسي دلوقتي اصل مش معقول مدونه تحفه زي دي معدتش عليا قبل كده

بجد احييك اسلوبك تحفه
ايوه كده مش كل مدونه حلوه ودمها خفيف تطلع بتاعة بنات كده في عندنا سووو وانت والجدع عبده محتاس
وكان في مدونة كده بس عنده امتحانات دلوقتي
وبرده في واحد مهييس تاني بانسى اسمه دايما
لا شكلنا هنغلبهم يا رجاله

سلاااااااااااااااااااااام

دهاء سياسي said...

السلام عليكم و رحمة الله و بركاته

بتابع حضرتك من فترة كبيرة .. بس أول مرة يكون ليا شرف التعقيب على مدونتك

البوست ده لطيف جدا .. انا اول ما وصلت لانه وقف .. و رافض كل الحلول البديلة .. توقعت انه يقولك اصل انا وصلت لحاد بيتى و حطلع انام ..

بس بجد سواق تحفة .. طب و لما هو نايم كده ايه الى خلاه يركب اصلا !!!

مدونتك جميلة جدا .. و دائما تدخل على نفسى البهجة

شكرا لك :)

GOLDEN B0Y said...

بسااااااااء الخير عليك
يا فقرى
ROONEY

FaceMoon said...

هههههههههه شاب فقرى ركب تاكسى فقرى يبقى النتيجة اية اكيد نوم فقرى كنت هاتلة بطانية غلطان بجد معلش خيرها فى غيرها

Bongo said...

:( موقف مؤثر اووي

هههههههههههه

و لقيت تاكسي تاني في الوقت ده و لا أخدتها مشي :D

موناليزا said...

هههههههههههههههههه
وحد يركب تاكسى فى الوقت ده برضه

التكيه said...

ياعم ما أنت كان لازم تتوقع حاجه كده .. موش أنت فقرى
وعلى رأى المثل قليل البخت يلاقى الفقرى فى التاكسى
على فكره دمك خفيف

على باب الله said...

هههههههههههههههههههههههه

Unknown said...

كل سنة وانت طيب

وعقبال 1000 سنة

(:

شقاوة ريما said...

ههههههههه
سواق تاكسى 2008
ال معياد نومى جه ال

شقاوة ريما said...

والله انا جالى مغص من كتر الضحك

بنوتة من وسط البلد said...

نفس ال قاله الريس بعد ما فنجر علينا بالعلاوة
من هنا ... وولعوا فينا بالبنزين من هنا


انا اسف يا شعب

كيكى عوووووو said...

ههههههههه بجد ضحكت من قلبى عجبيتنى اوىىىىىىىىىى لمة بتقولة نستنا حد يزؤنا.... بجد دمك خفيف واعتبرنى زى بنت خالتك مش اختك هههههههه شوفت الاختلاف........ وياريت تبقى تعدى عندى فى المدونة عند برعى وتفيدة ...هنستنك.....اه صحيح فتحى موجود

Khadieja Eshra said...

post gamed gdan gdan bs da y3alemak tbtl trkb taxi 3sa2a 12 blil

Fatma said...

هههههههههههههههههههههههههههه

جامدة موووووووووووووت

فكرتني بتاكسي عجيب مرة من زمان كنت راكبه معاه

قعد طول السكة يشتكيلي من بطنه اللي وجعاه

وكل شوية يقولي اييي اييي

اصل يا انسة بطني وجعاني وحاسس اني عايز ( استفرغ)

الله يقرف اهله

المهم ان انا بطني وجتني بالايحاء وقلتله لو سمحت انا هنزل هنا انا افتكرت حاجة مهمة لازم اعملها

Caramella said...

بفف.. ههههههههههههههههههههههههه
مسخرة

shabfa2re said...

على الطريق
معاك حق يا جميل
نورتنى
:D

shabfa2re said...


اه بجد اللى حصل ده
:D
راجل كبير وصعب عليا الصراحة

shabfa2re said...

رئيسة حزب الاحلام
وعليكم السلام
:D
رغم انى كنت هلكان ونفسى اروّح
بس معلش الراجل كبير ولازم نستحمل بعض

shabfa2re said...

ضد التظلم
واغطيه كمان
:D
اعتقد انه ما رجعش بيتهم ونام فى التاكسى

shabfa2re said...

semsema28
عسل اسود
:D

shabfa2re said...

lonely
:D
مش عارف يا ضوضو بجد فى ايه
بس الحمدلله انى لقيت تاكسى اصلا ورضى يركبنى كمان
البنزين بقى غالى
:D

shabfa2re said...

لولا
هام حرقوا دمنا بس
:D
ما بقوش يركبوا حد مش عارف بيسوقوا ليه طيب
:D

shabfa2re said...

خمسة فضفضة
وعليكم السلام ورحمة الله وبركاته اولا
و ع العموم مقبولة منك القافية الحلوة دى
:D

shabfa2re said...

esraa
ازاى مش ممكن واحنا فى مصر
:D

shabfa2re said...

eai
لا الحقيقة شكله كان عاوز ينام فعلا
بلاش نظلمه
:D

shabfa2re said...

michael
قول للسواق وانا مالى
:D

shabfa2re said...

شباب عربى
نورتنى يا جميل
اخدت تاكسى تانى كان بس الحمدلله كان مصحصح
:D
والمشكلة انى نزلت فى مكان واخدت تاكسى تانى والناس اللى واقفة فى الشارع متنّحة
يعنى هو نزل من تاكسى عشان يركب تاكسى تانى؟

shabfa2re said...

نورى
معلش بقى انا اسف انى قلقت منامه
وميرسى موت ع الكلام التحفة ده
:D

shabfa2re said...

الشنكوتى الكبير
ميغسى بوكوخ يا كبير على كلام الجامد موت ده بجد اوى
رفعت معنوياتى
واديها ههههههههههههههه ولا يهمك
دى احلى طريقة بحبها للضحك
هههههههههههههه

shabfa2re said...

دهاء سياسى
شكرا جدا جدا بجد على الكلام الرائع ده
وانا اللى ليا الشرف بتعقيبك ع البوست
بس بلاش دهاء سياسى دى
انا ماشى جنب الحيط.. هتودونا فى داهية
:D

shabfa2re said...

رونى المصرى
بسااااء الفل والجمال

shabfa2re said...

facemoon
غيرها ايه بقى انا مقاطع للتاكسيات خلاص
انا خلاص ما بقتش اتفاجيء من اى حاجة
نزلت م التاكسى عااااادى
والناس اللى واقفة فىا لشارع مستغربين
طب هو نزل م التاكسى عشان يوقف تاكسى تانى
بس الحمدلله السواق التانى كان فايق حبتين

shabfa2re said...

bongo
موقف مؤثر اوى ..اتريقى اتريقى
:D
وقفت تاكسى تانى طبعا
بس كان فايق حبتين

shabfa2re said...

monaliza
انا كلى فلوس وما بركبش غير تاكسيات
يعنى ثرى وغنى ومفتخر
طويل - ابيض - مرح ..أشارك فى الاثاث

shabfa2re said...

التكية
اخر كلمتين فى تعليقك مش لاقى كلمة اشكرك بيها
نورتنىىىىىىىىىىىىىىىىىىى

shabfa2re said...

على باب الله
منورة هههههههههه

shabfa2re said...

esraa
انتى تانى ..يا قفشانى
حلوة القافية
:D
عيد ميلادنا فى يوم واااااااااااحد
هيييييييييييييييه

shabfa2re said...

شقاوة ريما
منورانى دايما يا ريما
والحمدلله ان البوست عجبك
:D

shabfa2re said...

بنوتة فى وسط البلد
بعد تعليقك ده مش قادر اقول لك غير كلمة واحدة
هتوحشينا
:D

shabfa2re said...

كيكى
نوريتنى يا كيكى وميرسى اوى لكلامك اللظيظ
بس فتحى راح يشترى حاجة وجاى
هههههههههههههههه
انا جاى مدونتك بس مش دلوقتى عشان ميعاد نومى جه

shabfa2re said...

anonimous
منورنى يا جميل
بس الساعة 12 بالليل
اركب ايه؟

shabfa2re said...

founoon
منورانىىىىىىىى يا فنون
ياللى كنت فاكرك ولد اصلا
هههههههههههههههه
فعلا سواقين 2008
بس انتى نزلتى بمزاجك
انا نزلت مضطر والساعة 12 بالليل فى عز التلج
:D
ما علينا ال2 مقرفين

shabfa2re said...

caramella
منورانى دايما يا كراميلا
:D

نعكشة said...

هههههههههه

لأ حضرتك بتقابل ناس ما يعلم بيهم إلا ربنا

إنت محظوظ

.........

بالنسبة للناس اللي بيلبسوا خفيف

كان عندنا ناس في الدروس
بيجو في عز الشتا بنص كم

و كانت بتتفقع مرارتي

اكتشفت اهوه انهم بيسقعوا زينا

دمت سالم

سلامٌ عليك

maha zein said...

هههههههههههههههههه
بجد ذي ما قلت دمك فعلا خفيف
ابقه اقرا بنات الهوب هوب بتاعتي في مدونة الضاحكون
وفي مدونتي بردو هتلاقي الساخر العامي انا مصنفاه في السايد بار عندي في انها الحياه
بجد انا مستمتعة
وحسة اسلوبك قريب مني
تحياتي

Unique Gurl said...

MAS7'ARAAAAAAAAAA
HEHEHEHEHEHEHEHEHEH :D

RASHA said...

مدونة لطيفة والالطف الصورة اللى انت حاططها لانى بحب الممثل ده اوى بس مش عارفة لاقيتها فين

ميرام said...

هههههههههههه
أسلوبك حلو بجد ..
ومدونتك مميزة ..
بانتظار جديدك

كل التقدير ..

shabfa2re said...

نعكشة
هو انا كده ابقى محظوظ
:D
بس ما تظلمنيش يا نعكشة انا مش م الناس الباردة دى
بلبس بكُم بس مش لبس تقيل اوى
عشان شغلى جنب النيل وانا بحب اعدى ع النيل وانا حاسس بالهوا ويا سلام لو فى مطرة بقى

shabfa2re said...

maha zein
ميرسى بجد اوى اوى اوى لذوقك
وان شاء الله هقرأ مدونة الضاحكون طبعا

shabfa2re said...

unique girl
mnawarrrrrrrra :D

shabfa2re said...

shasha
ميرسى ليكى يا شاشة على الكلام ده
والممثل ده اشتهر بدور نوفل
واسمه الحقيقة فاسوخة
:D
اسم نوفل ارحم اكيد

shabfa2re said...

ميرام
ميرسى يا ميرام ونورتينى بجد

Anonymous said...

السواق ده مية مية
ههههههههههههههههههههه
هههههههههههههههه انت اللى غلطان
هههههههههههههههههههههه
سيبه ينام براحته
ههههههههههه
تصبح على خير
واحلام سعيدة