Saturday 8 December 2007

تاجـتاج


لو قالولك اختار عصر من عصور مصر علشان تعيش فيه ...تختار اى عصر و فى عهد اى حاكم ؟؟ اشمعنى العصر

ده؟؟
سؤال لظيظ ..انا بحب ناصر اوى بس هختار عصر السادات عشان كان نفسى اوى احارب

اول اولويه فى حياتك...عيلتك ...شغلك و لا اصحابك؟؟؟
عيلتى واصحابى ومش هختار حياتى لان هما حياتى..يا مثبتهم
:D

ايه اكتر حاجه بتحبها فى رمضان؟
القطايف :D

اوصف ليا اجمل فطار ممكن تفطره؟
فول بالزيت الحار وطعمية كبيرة وملعلطة

لو انت حاكم على مجموعه من الافراد هتكون عادل؟؟؟ طب هتعمل ايه علشان تتاكد انك حاكم عادل؟؟؟
ان شاء الله هكون عادل...دايما هحط نفسى مكان كل حد وانا بحكم عليه

اللى بيبوظ الحكام ...نفسهم و لا الشعب و لا الحاشيه المقربه؟؟؟
نفسهم والشلة المقربة

مين اكتر اعلامى مصرى بتحترمه؟؟؟
وائل الابراشى

قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه؟؟لو اه ايه رايك فيه؟؟ ما قرأتوش

لو ممكن تشتغل شغلانه تانيه غير اللى انت بتشتغلها او هتشتغلها كنت تتمنى تبقى ايه؟؟؟
بعشق شغل الصحافة والاعلام ..ونفسى اكون صحفى واعلامى ..ومونتير

تانى بلد تتمنى تعيش فيه بعد مصر ايه؟؟؟
مقدرش اعيش برة مصر

اوصف ليا ترتيبات اجمل فرح ممكن تحضره ؟
هنفرض انه فرحى...كتب كتاب فى جامع وقشطة

بتراعى كلام الناس و القيل و القال؟؟؟ لو اه او لو لا قلى ليه؟؟؟
لا خالص

صحيت ملقتش الموبايل و لا الكومبيوتر و لا الكاميرا الديجتال و لقيتنا رجعنا لعصر الحمام الزاجل و الحصنه هتكون سعيد؟؟؟
هى حصلت للحصنة..جولوا عنتر مات

السعاده هى.....؟
ان الواحد يكون علاقته بربنا كويسة..وبعد كده يهيص بقى

عندك امل؟؟؟ اسبابك؟؟؟
عندى امل ودلوقتى عبد الرحمن 4 شهور

لما بتحب تهرب من كل شىء بتروح فين؟؟؟؟
اوضتى

اوضتىامتى اول مره خدت فيها نفس طويل كده و قلت بينك و بين نفسك " ياااه اظاهر ان انا فعلا كبرت" ؟
عيد ميلادى

لما بتعمل عمل خيرى بيكون ايه هو دافعك الاول؟؟؟
ثواب اسعاد الناس

بتشرب سجائر؟؟؟ لو الاجابه اه ايه شعورك لو شفت ست بتشرب سجاير؟؟؟ ليه؟؟؟
الحمدلله عمرى لا شربت سجاير ولا شيشة ولا شميت كولّة
بتعرف ايدك اليمين من الشمال ازاى؟؟؟؟
اليمين ابطش بها والشمال اهرش بها

ايه اكتر آله موسيقيه بتحبها؟؟
بيانو
فى رايك ليه الذوق و النخوه انعدموا؟؟؟؟
ما انعدموش

ايه الحاجه اللى لو حصلتلك تبقى سعيد اوى؟؟؟
اشتغل الشغل اللى بحلم بى

تختار يبقى عندك...ارض زراعيه و لا اجنس عربيات و لا كام عماره و لا فلوس فى البنك؟؟؟؟
فلوس

البحر و لا النيل؟؟؟
البانيو

مركب ولا طيارة ؟
طيارة

مجنون و لا عاقل؟؟
بلاش الطاقية عندى حساسية

نمرر التاج لمين بقي
لكل الناس الحلوة ديا والناس اللى متضافين عندى ع اليمين

6 comments:

مدحت محمد said...

هههههههههههههه
انا اول مرة اضحك كدة
فعلا شاب فقرى
ههههههههه

Anonymous said...

جامد يا ابو المضاميض

انا بحبك موووت و افتكر العزومة الحلوة اللى فى بيتزا سبارو مع احلى ناس فى الدنيا

حسين بكار و هشام ابو جوده
و على الجنزورى و بيبو

Unknown said...

ميرسي انك حليت التاج

بس لسه عليك واحد بالشيكولاته

shabfa2re said...

doh
نورتى يا جميل وان شاء الله البلوج كلها تعجبك

shabfa2re said...

bibo
ماشى يا حومبى
يا مطرود م الفيس بوك
:P

Anonymous said...

انا مش هاعلق على الموضوع انا هاعلق على الاسم طيب فقرى اد مين يا شاب دا الفقر هو الصدر الحنين اللى فاضل لنمل فى الدنيا دى وبلاش تغلوش على الفقر لوحدك
ناجح يوسف فهمى
alabalatta.blogspot